Þriggja og hálfs árs fangelsi

Hæstiréttur dæmdi fyrir stundu karlmann í þriggja og hálfs árs fangelsi fyrir kynferðisbrot, frelsissviptingu, eignaspjöll og fleira. Maðurinn var sekur um að nauðga fyrrverandi sambýliskonu sinni og halda henni nauðugri í íbúð hennar. Þar olli hann einnig miklum skemmdum og stal ýmsu. Maðurinn á langan sakaferil að baki. Hann hafði ítrekað beitt sambýliskonuna fyrrverandi ofbeldi og hafði hún gengist undir sálfræðimeðferð vegna þess. Auk fangelsisins, var maðurinn dæmdur til að greiða konunni tæpar 1400 þúsund krónur í bætur.