Leikur ekki samkynhneigðan mann

Söngvarinn kunni Robbie Williams hefur hafnað tilboði um að leika samkynhneigðan mann í vinsælum söngleik á Broadway. Að sögn er leikarinn smeykur um að orðrómur þess efnis að hann sé hommi færi af stað á nýjan leik ef hann tæki að sér hlutverkið. Sögusagnir um samkynhneigð Robbies hafa gengið fjöllunum hærra undanfarin ár og segja umboðsmenn hans að kappinn sé orðinn æði þreyttur á að þurfa að bera af sér samkynhneigð og því hafi hann hafnað hlutverkinu, sem hefði fært honum 70 milljónir króna fyrir tíu vikna vinnu.