Sameining á Austurlandi

Sameining Austur-Héraðs, Fellahrepps og Norður-Héraðs var í gærkvöldi formlega ákveðin og undirrituðu oddvitar sveitarfélaganna beiðni um formlega staðfestingu félagsmálaráðuneytisins. Stefnt er að kosningum til nýrrar sveitarstjórnar 16. október næstkomandi og að sameiningin taki gildi 1. nóvember. Um þrjú þúsund íbúar verða í nýja sveitarfélaginu, þar af rúmlega tvö þúsund í Fellabæ og á Egilsstöðum, sem þar með verður stærsti þéttbýliskjarni á Austurlandi. Nýja sveitarfélagið verður auk þess eitt hið víðlendasta á landinu.