Kraftaverk að ekki fór verr

Vörubíll og Toyota Landcruiser jeppi skullu saman á brú yfir Laxá í Laxárdal í umdæmi lögreglunnar í Búðardal skömmu eftir klukkan 15 í gær. Vörubíllinn var með fimmtán tonna malarhlass og fór í gegnum vegrið og féll tíu metra. Varðstjórinn hjá lögeglunni í Búðardal segir það ganga kraftaverki næst að ökumaður vörubílsins hafi lifað slysið af en hann var fluttur með sjúkrabíl til Reykjavíkur. Sagðist hann aldrei hafa séð annað eins á 27 ára ferli í lögreglunni. Hjón og tvö börn voru í jeppanum og sluppu þau öll vel og hlutu ekki alvarleg meiðsl en voru flutt á sjúkrahús til aðhlynningar og athugunar. Bílarnir eru báðir gjörónýtir eftir áreksturinn.