Hefur synt þriðjung Breiðafjarðar

Viktoría Áskelsdóttir, sem syndir nú fyrst manna yfir Breiðafjörðinn, kom til Flateyjar í fyrradag eftir að hafa synt 5,7 km þann daginn. Þá mun hún hafa þreytt um 21,7 km leið suður yfir fjörðinn frá Lambanesi við Brjánslæk. Vegna slæmrar vindáttar og stórra strauma við Flatey, auk þess sem Flatey er við mesta úthafið, mun Viktoría snúa afgangi leiðarinnar við og halda frá Stykkishólmi á morgun og ljúka sundinu í Flatey. Viktoría hefur einsett sér að ljúka hinni 62 km löngu sundleið á tveimur vikum og ákvað því að synda frá Stykkishólmi, í stað þess að bíða eftir að aðstæður myndu batna við Flatey. Viktoría lagði af stað kl. 5:30 í morgun og syndir síðan annan sprett kl.18 frá Stakksey í átt að Fagurey. Sjóhitinn er nú um 10°C. Viktoría lætur engan bilbug á sér finna.