Vatn lak milli hæða

Tveir vatnslekar voru tilkynntir til Slökkviliðs höfuðborgarsvæðisins um hálf átta leytið í gærmorgun. Annar var við Laugaveg og hafði þar vatn safnast saman í kjallara. Skemmdir voru einhverjar en ekki verulegar. Hinn vatnslekinn var við Kaplaskjólsveg þar sem vatn fór af fjórðu hæð og niður á aðra hæð. Miklar skemmdir urðu í húsinu við Kaplaskjólsveg. Í báðum tilvikum var um vatnsleiðslu sem fór í sundur að ræða. Báðar íbúðir voru mannlausar. Starfsmenn Slökkviliðs höfuðborgarsvæðisins vilja brýna fyrir fólki að gæta vel að öllu áður en haldið er í frí og ganga vel frá öllu sem viðkemur rafmagni og vatni. Einnig vilja starfsmenn slökkviliðsins minna fólk á að einnig eru þjófar á stjá og því í mörg horn að líta.