Siðblindir leggja í stæði fatlaðra

Sigurður Björnsson, hjá samtökunum Sjálfsbjörg, gagnrýnir harkalega þá sem leggja í bílastæði sem ætluð eru fötluðum ökumönnum. Árni Johnsen, fyrrum þingmaður og nýskipaður stjórnarmaður hjá Rafmagnsveitu ríkisins, var gripinn glóðvolgur á dögunum þar sem hann sótti jeppabifreið sína á bílastæði eftir sólarhringsdvöl. Þegar inntur skýringa sagðist Árni sjálfur "eiginlega fatlaður" og bar því við að hann hefði þrjú brotin rifbein og að stæðið væri illa merkt. Sigurður segir það til marks um algera siðblindu að leggja í stæði fatlaðra og skorar á fólk að tilkynna slíkt umsvifalaust. Meira um málið í DV í dag.