Volvo S40 valinn besti bíllinn

Volvo S40 er bíll ársins á Íslandi að mati nýstofnaðs Bandalags íslenskra bílablaðamanna. Brimborg flytur inn Volvo og afhenti Sturla Böðvarsson samgönguráðherra forsvarsmönnum fyrirtækisins Stálstýrið, en svo nefnist farandgripur sem fylgir nafnbótinni. Volvo S40 hlaut 231 stig, Mazda RX8 224 stig, Hyundai Tucson 211 stig og Kia Picanto 172 stig. Mazda RX8 var valinn sportbíll ársins, Hyundai Tucson vann í flokki jeppa og jepplinga og Kia Picanto í flokki smábíla. Tæplega fjörutíu bílar voru tilnefndir.