Actavis mótmælir ásökunum

Actavis hefur vísað á bug fullyrðingum Starfsgreinasambands Íslands þess efnis að félagið kúgi starfsmenn sína í Búlgaríu og brjóti á þeim. Í tilkynningu frá Actavis segir að á síðasta ári hafi fyrirtækið þurft að segja upp starfsmönnum í Búlgaríu, en ekki hafi verið hafðar uppi neinar hótanir, eins og formaður Starfsgreinasambandsins lýsti yfir í fréttum Stöðvar 2 í gær. Þá segir að Actavis hafi virt réttindi og samninga þeirra starfsmanna sem sagt var upp og hafi ekki fengið athugasemdir við starfsemi sína frá búlgörskum stéttarfélögum. Actavis hyggst fara yfir réttarstöðu sína vegna ummælanna í fréttunum í gær og segir í tilkynningu frá fyrirtækinu að það sætti sig ekki við rógburð af þessu tagi