Kirkjan í mál við ríkið?

Kirkjan gæti þurft að höfða mál á hendur ríkinu vegna deilna um Prestsetur. Kirkjan sakar Landbúnaðarráðuneytið um að selja eignir kirkjunnar meðan samningum um þær sé ólokið. Dómsmálaráðherra segir að jarðir sem alþingi hafi samþykkt að selja séu í gíslingu. Samningur kirkjunnar og ríkisvaldsins árið 1997 tekur til allra eigna kirkjunnar nema prestsetra sem voru þá 87 talsins. Aðrar eignir séu eign ríkisins greiðir ríkið prestum laun og starfsmönnum biskupsembættanna. Kirkjan telur að verðmæti jarða prestsetra sem Kirkjan eigi með réttu nemi allt að þremur milljörðum. Ríkið bauðst fyrir tveimur árum til að ljúka málinu með greiðslu upp á 150 milljónir. Þrátt fyrir að kirkjan hafi óskað eftir viðræðum til að ljúka málinu hefur því ekki verið sinnt. Karl Sigurbjörnsson biskup segir aðalatriðið það að mögulegt sé að hægt sé að horfa framan í komandi kynslóðir með þá vissu í huga að kirkjan hafi ekki bara horft á aðgerðarlaus, heldur varið sínar eignir. Kirkjuráð harmar að landbúnaðarráðuneytið skuli halda áfram að selja eignir kirkjunnar meðan samningum er ólokið. og telur að um ólögmæta sölu sé að ræða. En Björn Bjarnason, dómsmálaráðherra segir að ágreiningur um málið hafi spillt fyrir sölu ríkisjarða, sem séu í einskonar gíslingu þrátt fyrir að alþingi hafi samþykkt að selja þær. Hann óttast ekki málsókn, en leysa þurfi málið. Sjónarmið ríkisins séu hins vegar mjög skýr.