Ætla í mál út af mynd um Alexander

Alexander mikli er ein af hetjum grískrar sögu, enda má segja að hann hafi mótað heimsveldið sem reis austur af Grikklandi. Hann lést þrjátíu og tveggja ára. Það er því óhætt að segja að Grikkjum hafi brugðið í brún þegar fréttist af nýrri kvikmynd um ævi Alexanders. Þar kemur fram að hann hafi verið tvíkynhneigður og átt í ástarsambandi við Hefeston, vin sinn. Tuttugu og fimm grískir lögfræðingar hafa af þessum sökum hótað að fara í mál við framleiðanda myndarinnar og krefjast þess, að tekið verði fram að myndin sé ekki byggð á sannsögulegum atburðum.