Sauðfjárbændur fá minna í vasann

Í tölum Hagþjónustu landbúnaðarins kemur fram að tekjur sauðfjárbúa, fyrir laun eiganda, hafi lækkað úr 979 þúsund krónum árið 2002 í 837 þúsund krónur árið 2003. Lækkunin nemur 14 prósentum. Skoðuð var afkoma 86 sauðfjárbúa þar sem nær allar búgreinatekjur eru frá sauðfjárafurðurm. Framleiðsla búanna jókst um 7,9 prósent milli áranna, en verri afkoma er sögð til komin af lægra afurðaverði til bænda. Meðaltekjur sauðfjárbúa rýrnuðu um sem nemur 397 þúsund krónum milli áranna 2002 og 2003.