O´Brien tekur við af Leno

Konungur spjallþáttanna Jay Leno hefur fundið arftaka sinn í hinum knáa Conan O´Brien. Leno ætlar að hætta með þátt sinn árið 2009 og hefur verið ákveðið að Conan taki við honum. Leno segir að árið 2009 verði hann orðinn 59 ára gamall, búinn að starfa við þáttinn í 17 ár og þá verði tímabært að hverfa af vettvangi. Hann segir engan betur til þess falinn að taka við af sér en O´Brien. Sjálfur segir O´Brien að hann sé í skýjunum yfir að fá þetta tækifæri. Hann sé mjög þákklátur öllum á NBC fyrir að sýna sér slíkt traust og ekki síst sjálfum Leno, sem hann segir hafa sýnt sér fádæma höfðingjaskap.