Öryggisráðið fundaði á Íslandi

Öryggisráð Sameinuðu þjóðanna fundaði í Odda, byggingu félagsvísindadeildar Háskóla Íslands, um málefni Ísraels og Palestínu í dag. Illa gekk að ná niðurstöðu sem leysir deiluna. Þetta er reyndar ekki hið eiginlega öryggisráð Sameinuðu þjóðanna heldur nokkurs konar líkan ungra námsmanna af öryggisráðinu. Mannréttindaráð Sameinuðu þjóðanna fundaði á sama tíma og umræðuefni er ímyndað morð á tveimur fulltrúum Evrópusambandsins og forseta Ísraels. Unga fólkið kynnir sér sjónarmið ríkjanna og ver hagsmuni þeirra í samræmi við það. Og þetta sýnir hversu erfitt getur verið að leysa deilumál þjóðanna. Fundir öryggisráðsins lauk nú síðdegis. Ekki náðist samkomulag um að senda friðargæsluliða á Gaza og Vesturbakkann. Aðalritarinn lýsir þungum áhyggjum af ástandinu í Palestínu og hversu illa alþjóðasamfélaginu gangi að bregðast við. Hljómar kunnuglega.