80 ára almanak

Árna M. Mathiesen sjávarútvegsráðherra var á dögunum afhent fyrsta eintakið af Sjómannaalmanakinu og Skipaskrá 2005. Verkið er tvö bindi og er nú gefið út í 80. skipti. Fyrstu árin var Sjómannaalmanakið gefið út af Stjórnarráði Íslands en lengst af var Fiskifélag Íslands útgefandi eða allt þar til Athygli efh. tók við útgáfunni árið 2001. Bókunum er dreift frítt í stóru upplagi um borð í öll íslensk skip og báta, aðra en skemmtibáta. Þá munu áskrifendur að tímaritinu Ægi fá bækurnar sendar heim fyrir jólin svo og þeir aðilar sem auglýsa í ritunum. Sjómannaalmanakið og Skipaskráin fást einnig í helstu bókaverslunum landsins.