Vänskä stjórnandi ársins

Osmo Vänskä, finnski hljómsveitarstjórinn sem stýrir Sinfóníuhljómsveit Íslands á hátíðartónleikum hljómsveitarinnar í kvöld, var á dögunum valinn hljómsveitarstjóri ársins af bandaríska tónlistartímaritinu Musical America. Vänskä, sem var aðalhljómsveitarstjóri Sinfóníuhljómsveitar Íslands á árunum 1993 til 1996 en er nú aðalhljómsveitarstjóri Sinfóníuhljómsveitarinnar í Minneapolis og tónlistarstjóri Sinfóníuhljómsveitarinnar í Lathi í Finnlandi, tók við verðlaununum í Carnegie Hall á mánudag, skömmu áður en hann hélt hingað til lands.