Björk með tvær Grammy-tilnefningar

Björk hlaut í gærkvöldi tvær tilnefningar til Grammy-verðlaunanna bandarísku. Hún var tilnefnd í flokknum besta frammistaða poppsöngkonu fyrir flutninginn á laginu „Oceania“ og fyrir bestu framsæknu plötuna, Medúllu. Hún var ekki eini Íslendingurinn sem var tilnefndur því Emilíana Torrirni var einnig tilnefnd fyrir lag sitt „Slow“ sem hún samdi með öðrum fyrir poppdísina Kiley Minogue. Það var tilnefnt sem besta danslagið. Rapparinn Kanye West hlaut flestar tilnefningar, eða tíu, og Alicia Keys og Usher fengu átta hvort. Grammy-verðlaunin verða veitt 13. febrúar í Los Angeles.