Keyrt á bíllausa daginn

Umferð í Reykjavík minnkaði ekkert í dag á bíllausa daginn. Og þótt Hverfisgatan væri lokuð í tilefni dagsins létu ökumenn sér fátt um finnast og óku eftir henni sem áður. Bíllausi dagurinn á að vera hápunktur evrópsku samgönguvikunnar sem nú stendur yfir. Ókeypis var í strætó í dag og þar spiluðu hljómsveitir til að létta farþegum lundina. En íslenskir ökumenn létu sér fátt um bíllausa daginn finnast, ef marka má fyrstu tölur um umferð í Reykjavík í dag. Björk Helgadóttir, verkefnisstjóri evrópskrar samgönguviku segir bílafjölkdann í dag hafa staðið í dtað. Var stefnt á að fá fólk til að nota aðra samgöngumáta en bílinn. Og þó ekki megi merkja vitundarvakningu meðal ökumanna verður bíllausi dagurinn aftur að ári, segir Björg. Hverfisgötunni var lokað hluta úr degi, eins og sjá má af þessum skiltum. Verslunareigendur í miðbænum kvörtuðu sáran, en kannski af ástæðulausu. Vegfarendur í dag sögðu að það væri einfaldlega erfitt að leggja bílnum þegar veðrið væri eins og það væri í dag og þeir skildu vel að umferðin væri ekki minni en raun bar vitni.