Hluthöfum auðveldað að fara í mál

Hluthöfum í fyrirtækjum er auðveldað að höfða skaðabótamál á hendur stjórnendum fyrirtækja, endurskoðendum og fleirum, telji þeir þá hafa valdið félaginu tjóni samkvæmt frumvarpsdrögum viðskiptaráðherra um hlutafélög. Þá verður stjórnendum skylt að fá samþykki hluthafafundar fyrir kjörum stjórnenda. Meðal þess sem lagt er til, er að lágmarksfrestur stjórnar hlutafélags til að borða til hluthafafundar verði lengdur í 14 daga og að frambjóðendur til stjórnar verði að tilkynna framboð og skila inn upplýsingum ekki síðar en 5 dögur fyrir fund. Þá er lagt til að hluthöfum verði gefinn kostur á að greiða atkvæði bréflega eða með rafrænum hætti og að heimilt verði að halda rafræna hluthafafundi. Hvað varðar starfskjör stjórnenda er lagt til að í félögum þar sem eru fleiri en fjórir hluthafar verði skylt að fá samþykki hluthafafundar fyrir starfskjarastefnu fyrir stjórnendur. Undir það falla meðal annars kaupréttarsamningar, árangurstengdar greiðslur, hlunnindi, uppsagnarfrestur og starfslokasamningar. Þessa stefnu eigi síðan að ræða á hverjum aðalfundi og hluthafar upplýstir um kostnað og fleira. Í drögunum er lagt til að stjórnarformanni verði óheimilt að vinna önnur störf en þau sem teljast eðlileg störf stjórnarfomanns sem og að stjórnir félaga megi funda án framkvæmdastjóra. Þá verður að tilkynna um öll viðskipti við tengda aðila. Í framvarpsdrögum viðskiptaráðherra er lagt til að hluthöfum verði auðveldað að fara fram á sérstaka rannsókn á starfsemi félags og geta ráðendur tíunda hlutar farið fram á slíkt og einniog geta þeir sem ráða yfir 10% hlutafjár geti höfðað skaðabótamál í nafni félags, en á eigin kostnað gegn stofnendum, stjórnarmönnum, framkvæmdastjórum, endurskoðendum og skuðunarmönnum og fleirum, séu þeir taldir hafa valdið félaginu tjóni.Frumvarpsdrögin voru sett saman í kjölfar skýrslu nefndar um íslenskt viðskiptaumhverfi. Þau hafa verið sett á heimasíðu viðskiptaráðuneytisins, en umsagnir um drögin þurfa að berast fyrir 5. október.