Héldu stuttan fund eftir hádegi

Formenn stjórnarflokkanna, Davíð Oddsson og Halldór Ásgrímsson, áttu með sér stuttan fund eftir hádegi í dag þar sem þeir ræddu fjölmiðlamálið. Þeir vildu ekki gefa upp hvort frumvarpið yrði dregið til baka en sögðust ætla að ræða við sitt fólk í allsherjarnefnd Alþingis. Halldór sagði þó að Framsóknarmenn hefðu ekki sett neina úrslitakosti í málinu. Ríkisstjórnarfundur verður haldinn fyrir hádegi á morgun, og líkur eru á að málið verði afgreitt úr allsherjarnefnd síðar um daginn.