Eitt hús á hættusvæði

Stefanía Traustadóttir, bæjarstjóri í Ólafsfirði, segir húsið sem hýsir bæði heilsugæsluna og dvalarheimili bæjarins vera það eina sem er inni á hættusvæði samkvæmt nýju ofanflóðamati. Hún segir rétt að hafa í huga að líkurnar á flóði á húsin séu samt sem áður mjög litlar. Stefanía segir að eftir hálft ár þurfi bæjaryfirvöld í Ólafsfirði að gera umhverfisráðherra grein fyrir hvernig þau ætla að bregðast við. Miðað við reynslu annarra sveitarfélaga verði trúlega reistur varnargarður sunnan við heilsugæslustöðina.