Vilja álit Umboðsmanns barna

Reykjavíkurborg ætlar að fá Umboðsmann barna til að svara því hvort réttur kennara til að fara í verkfall, eða skylda sveitarfélaganna til að veita börnum fræðslu sé sterkari Foreldrar grunnskólabarna hafa bent á í verkfallinu að á Íslandi sé skólaskylda og réttur barna til menntunar skilgreindur í lögum. Í lögum er hinsvegar einnig kveðið á um rétt launþega til að berjast fyrir hagsmunum sínum. Áheyrnarfulltrúi foreldra spurði því fræðsluráð Reykjavíkur hver eigi að verja hagsmuni barnanna þegar upp kemur sú staða að hagsmunir þessara tveggja hópa rekast á, eins og er nú. Bergþóra Valsdóttir, hjá SAMFOK, segir greinilegt að réttur fullorðinna megi sín meira en réttur barnanna. Enginn virðist bera ábyrgð á hagsmunum barnanna. Fræðsluráð ákvað að óska álits Þórhildar Líndal, umboðsmanns barna á málinu. Hún er hinsvegar ekki væntanleg til starfa aftur fyrr en 1. nóvember næstkomandi.