3 ár fyrir ítrekuð kynferðisbrot

Héraðsdómur Reykjaness dæmdi í dag fertugan karlmann í þriggja ára fangelsi fyrir ítrekuð kynferðisbrot gegn fjórtán ára dóttur sinni og annarri stúlku, fimmtán ára. Brotin stóðu yfir í tvö ár og fólust meðal annars í samförum. Maðurinn neitaði sök, en framburður stúlknanna þótti trúverðugur. Maðurinn var einnig ákærður fyrir vörslu barnakláms og gekkst hann við því. Í niðurstöðu héraðsdóms segir að brot mannsins geng fósturdóttur sinni hafi verið alvarleg og ítrekuð og beindust að mikilvægum hagsmunum. Hann hafi misnotað aðstoðu sína og brugðist trúnaðartrausti fósturdóttur sinnar á svívirðilegan hátt. Atferli hans hafi verið til þess fallið að valda stúlkunni sálarháska og tjóni. Þá hafi brot hans gengi hinnir stúlkunni einnig verið alvarlegt. Dómurinn telur manninn ekki eiga sér neinar málsbætur og var hann dæmdur til þriggja ára fangelsisvistar óskilorðsbundið. Þá var hann dæmdur til að greiða fórsturdóttur sinni tólfhundruðþúsund krónur í miskabætur og hinni stúlkunni hundrað og fimmtíu þúsund. Auk þess var hann dæmdur til að greiða allan málskostnað.