Banki tapaði slysabótum í deCODE

Landsbankinn seldi Hinriki Jónssyni hlutabréf sín í deCODE á genginu 56 fyrir 5 milljónir króna en seldi þau tveimur árum síðar fyrir hann á 500 þúsund á genginu 5,95. Hinrik er 100% öryrki eftir höfuðhögg og hefur að mati geðlæknis verulega skerta hæfni til að stunda fjárhagsleg viðskipti. Hagnaður Landsbankans af viðskiptunum var þrefaldur. Hinrik ætlar í dómsmál til að fá tjónið til baka. Bankinn kannaði ekki aðstæður Hinriks áður en bréfin voru keypt. Sjálfur segir hann að bankinn hefði átt að átta sig á að hann væri ekki með "fulde fem". Nánar í DV í dag.