Landhelgisgæslan rannsakar flak

Nokkuð magn hættulegra hluta var fjarlægt úr flaki flugvélarinnar,,Flying Fortress” sl. föstudag, þegar Sprengjusérfræðingar Landhelgisgæslunnar rannsökuðu flakið. Meðal þess sem fjarlægt var úr vélinni voru vélbyssur. Aðrir hættulegir hlutir, sem ekki var talið öruggt að flytja, voru merktir sérstaklega. Sprengjueyðingarsveitin þarf að fara aðra ferð upp á jökulinn til að ljúka verkefninu. Flugvélin brotlenti á Eyjafjallajökli í september 1944. Flugmennirnir höfðu villst af leið í slæmu veðri á leið til Bretlands, en til allrar hamingju komst öll áhöfnin af. Einn þeirra kom nýlega í heimsókn til Íslands í boði Árna Alfreðssonar bónda sem býr í grennd við slysstaðinn. Sprengjusérfræðingarnir rannsökuðu slysstaðinn með aðstoð Árna Alfreðssonar en hann hefur fylgst með flakinu í gegnum tíðina og rannsakað sögu bæði flugvélarinnar og áhafnar hennar.