Tveir endurnýja undanþágubeiðni

Tveir af þeim sem var synjað um undanþágu vegna kennaraverkfallsins hafa endurnýjað umsóknir sínar. Öllum umsóknum um undanþágur hefur hingað til verið hafnað, en fulltrúi kennara í nefndinni hefur sagt að ekkert sé því til fyrirstöðu að sækja aftur um undanþágu dragist verkfallið á langinn. Þá hafa borist fjórar nýjar beiðnir um undanþágu, allar vegna fatlaðra barna, en aðeins þrjár þeirra eru taldar gildar. Afstaða til beiðnanna verður tekin eftir hádegi á morgun.