Tinna Þjóðleikhússtjóri

Menntamálaráðherra hefur skipað Tinnu Gunnlaugsdóttur í embætti þjóðleikhússtjóra, fyrsta allra kvenna. Átján umsóknir bárust um embættið, og mælti þjóðleikhúsráð með Tinnu, ásamt fimm öðrum. Tinna útskrifaðist úr Leiklistarskóla Íslands árið 1978. Hún hefur sótt námskeið í leiklist, handritsgerð og menningarstjórnun erlendis og samhliða vinnu stundað meistaranám við Háskólann í Reykjavík og mun ljúka því námi í ár. Hún hefur starfað hjá Þjóðleikhúsinu frá 1979, samhliða því aðvinna fyrir fjölda annarra leikhúsa. Hún hefur unnið sem aðstoðarleikstjóri og leikstjóri á sviði og hefur verið í forsvari fyrir norrænu listabandalögin frá árinu 2001. Tinna tekur við starfinu fyrsta janúar næstkomandi.