Læra ensku fimm ára

Fimm til sjö ára börnum er kennd enska í leikskóla og skóla hjallastefnunnar í Hafnarfirði. Margir eru þeirrar skoðunar að tungumálanám eigi að hefjast mun fyrr í skólakerfinu en nú er. Á morgun fer fram málþing á vegum stofnunar Vigdísar Finnbogadóttur um hvort hefja eigi tungumálakennslu fyrr í skólakerfinu en gert er. Í leikskóla og grunnskóla Hjallastefnunnar í Hafnarfirði hefur fimm, sex og sjö ára börnum verið kennd enska síðastliðinn þrjú ár. Ekki eru notaðar skólabækur við námið, heldur fyrst og fremst söngur, hreyfing og hlutir úr náttúrunni. Guðrún Jónsdóttir, leikskólastjóri Hjalla segist telja að á aldrinum 5-7 ára séu börn með mikið næmi fyrir tungumálanámi og einnig séu þau ekki byrjuð að vera feimin. Auk þess segir Guðrún námið efla sjálfstraust barnanna, enda heyri þau ensku allt í kring um sig í daglegu lífi. Guðrún vill ekki segja hvort námshæfni barna sé vannýtt í grunnskólum, en það sé ljóst að börn geti auðveldlega lært tungumál svo ung. Hún segir að eftir einn vetur kunni börnin grunnatriði, eins og litina, hugtök eins og upp og niður og nokkrar léttar setningar, eins og: „hvað heitir þú" og „hvað ertu gömul."