Framsóknarkonur í hringferð

Núna klukkan fjögur hófst mikil framsóknarkvennareið, þegar þær lögðu upp í hringferð um landið undir yfirskriftinni "Konur til áhrifa." Ferðin hófst við stjórnarráðið og fara þær um á vandlega merktum fjallabíl. Fyrsti viðkomustaður þeirra verður Akranes, en þær verða með fundi í Framsóknarhúsinu klukkan átta í kvöld. Tilgangur ferðarinnar er að efla starf framsóknarkvenna um allt land og fá nýjar réttlæitssinnaðar konur til að starfa fyrir flokkinn, sem og það að þeim verði færð aukin völd og áhrif og að konur verði þingmenn og ráðherrar. Þá vilja Framsóknarkonur að lögum flokksins verði framfylgt, þar sem segir að við val á framboðslista skuli hlutur hvors kyns ekki vera undir 40%. En sem kunnugt er var mikill urgur í framsóknarkonum eftir að Siv Friðleifsdóttir missti ráðherrastól sinn.