49 stiga sigur Njarðvíkinga

32 liða úrslitum bikarkeppni karla í körfubolta lauk í kvöld með einum leik þegar Njarðvíkingar rúlluðu upp ÍS með 49 stiga mun, 81-130.  Páll Kristinsson skoraði 27 stig fyrir Njarðvík og Guðmundur Jónsson var með 23 stig en Guðmundur Ásgeirsson skoraði mest fyrir ÍS eða 19 stig. Dregið verður í 16 liða úrslitin á miðvikudag og nú er ljóst hvaða 16 lið verða í pottinum. Þau eru Íslandsmeistarar Keflavíkur sem slógu út deildarbikarmeistara Snæfells um helgina, Skallagrímur, Breiðablik, Stjarnan, Ármann/Þróttur, Grindavík, Ljónin, Þór Akureyri, Hamar/Selfoss, Fjölnir, Tindastóll, Haukar, Höttur Valur B og KFÍ. 16 liða úrslitin fara svo fram helgina 11. og 12. desember nk.