Banaslys við Valdalæk

Banaslys varð við Valdalæk, skammt frá Hvammstanga, um klukkan 10 í gærkvöld. Tékknesk kona á fertugsaldri lést þegar bíll, sem hún var farþegi í, fór út af veginum og valt. Svo virðist sem ökumaður bifreiðarinnar hafi misst stjórn á henni í lausamöl. Fimm tékkneskir ferðamenn voru í bílnum og var kona flutt alvarlega slösuð á Landspítalann í Fossvogi. Hún gekkst undir aðgerð og er haldið sofandi í öndunarvél. Konan sem lést hét Bohuslava Jaromerska. Hún var hér á ferðalagi með eiginmanni sínum. Fyrst eftir slysið bar heimildum ekki saman um þjóðerni konunnar sem lést og var hún sögð slóvensk hér á síðunni fyrr í dag. Beðist er velvirðingar á því.   Myndin er úr myndasafni.