Lést af höggunum

Ljóst er að Hákon Eydal veitti Sri Rahmawati, fyrrum sambýliskonu sinni og barnsmóður, nokkur högg með kúbeini, samkvæmt heimildum Fréttablaðsins. Talið er að Sri hafi verið látin þegar hann kom henni fyrir í þröngri hraunsprungu í Almenningi sunnan við Hafnarfjörð. Krufningu á líki Sri er lokið og er nú beðið eftir endanlegum niðurstöðum hennar. Hákon sætir enn geðrannsókn sem honum var gert að sæta þegar farið var fram á framlengingu gæsluvarðhalds yfir honum í lok júlí. Hákon vísaði lögreglu á lík Sri í hraunsprungunni á þriðjudaginn eftir að lögreglan lét hann vita að vettvangsrannsókn á Kjalarnesi styddi ekki fyrri frásögn hans um að hann hefði komið líkinu þar fyrir.