Foreldrar taki sér frí

Heimili og skóli - landssamtök foreldra hvetja foreldra grunnskólabarna til þess að sýna í verki samstöðu með börnum sínum og taka sér frí frá vinnu eftir hádegi á morgun. Samtökin hvetja einnig atvinnurekendur til að sýna foreldrum skilning og gefa þeim frí þennan eftirmiðdag svo foreldrar geti gert eitthvað uppbyggilegt með börnum sínum og unglingum. Samtökin hafa einnig sent þau tilmæli til foreldrafélaga og foreldraráða að þau fari á fund sinna bæjar- eða sveitarstjóra og ræði hvernig þeir ætla að axla þá ábyrgð að halda skóla fyrir öll börn og unglinga í 170 daga eins og lög gera ráð fyrir. Þetta kemur fram í tilkynningu frá heimili og skóla.