Hert eftirlit í Bandaríkjunum

Milljónir ferðamanna, þar á meðal Íslendingar, verða héðan í frá stöðvaðir við vegabréfeftirlit í Bandaríkjunum og meðal annars tekin af þeim andlitsmynd. Ferðamenn þurfa að framvísa rafrænum vegabréfum með tölvurönd til að komast inn í landið án áritunar. Allt er þetta liður í baráttunni gegn hryðjuverkum. Í október á næsta ári verða þessar reglur svo hertar enn frekar því þá verður krafist lífkenna, einkum upplýsinga um höfuðlag. Dómsmálaráðuneytið hér á landi undirbýr nú útgáfu slíkra vegabréfa en íslensk vegabréf, sem gefin eru út eftir 1999, duga sem stendur. Ferðamenn, sem ferðuðust vestur um haf og vissu ekki um þessar nýju reglur áður en þeir héldu af stað, fengu undanþágu frá reglunum og var hleypt inn til Bandaríkjanna án áritunar - en aðeins í þetta eina skipti. Þeir fá líklega ekki að koma til landsins verði þeir aftur staðnir að því að framvísa ekki nýjum skilríkjum.