Nýtt lag á safnplötu Britney

Nýtt lag sem kallast, Do Something, verður að finna á væntanlegri safnplötu Britney Spears sem kemur út 9. nóvember. Einnig verður þar lagið (I´ve Just Begun) Having Fun sem aðeins hefur verið fáanlegt á DVD-útgáfu síðustu plötu Britney, In the Zone, í Evrópu. Á meðal slagara á safnplötunni, sem nefnist einfaldlega Greatest Hits, verða Baby One More Time, Oops! I Dit It Again, I´m Not a Girl - Not Yet a Woman og Toxic. Gamalt lag með Bobby Brown, My Prerogative, verður einnig á plötunni í flutningi Britney. Myndband við það lag er væntanlegt á næstunni.