Eiga að hætta í aukaatriðum

Guðni Ágústsson landbúnaðarráðherra og varaformaður Framsóknarflokksins segist hafa þungar áhyggjur af áhrifum verkfalls grunnskólakennara á fjölskyldurnar í landinu. Hann segir nausynlegt að deiluaðilar hætti að hugsa um aukaatriði og fari að snúa sér að því að leysa deiluna. Hann telur ekki að ríkisstjórnin geti með nokkrum hætti blandað sér í deiluna, það geti ekki leitt neitt gott af sér. Það sé á ábyrgð kennara og sveitarfélaga að komast að samkomulagi en komi upp pattstaði verði að sjálfssögðu að höggva á hnútinn. Hvernig það yrði gert segist Guðni hins vegar ekki hafa hugmynd um.