Hléið varð til happs

Betur fór en á horfðist þegar eldur kom upp í þjóðleikhúskjallaranum í gærkvöldi. Um 800 manns voru í þjóðleikhúsinu á tveimur leiksýningum en greiðlega gekk að rýma hússið. Það vildi til happs að hlé var á leiksýningunni þegar brunavarnakerfið fór í gang. Leikarar í Edith Piaff héldu uppi stemmingu á tröppum þjóðleikhússins á meðan slökkvilið gekk úr skugga um að eldurinn væri slokknaður og reykræsti kjallarann. Eldurinn kom að því er virðist upp í feitipotti í eldhúsi kjallarans og urðu nánast engar reykskemmdir af hans völdum. Fræbblarnir voru með tónleika í þjóðleikhúskjallaranum í gærkvöldi og fóru þeir fram samkvæmt áætlunum en þess má geta að þetta í þriðja sinn sem kviknar í, á sama stað og sama kvöld og þeir halda tónleika.