Viðskipti

Skuldarar kalla eftir aðstoð

"Við undirrituð, sem tókum lán hjá SPRON og Frjálsa fjárfestingabankanum, sættum okkur ekki við að vera undir oki slitastjórnarinnar Dróma, sem sett var á fót við fall þessara banka," segja lántakendur í ákalli til ríkisstjórnarinnar og alþingismanna sem þeim var afhent í morgun. "Samviskuleysi og óbilgirni gagnvart lántakendum þessara fjármálafyrirtækja hefur ítrekað orðið tilefni til umfjöllunar í fjölmiðlum og er flestum kunn," segja þeir enn fremur.

Viðskipti innlent

Upplýsa á um eigendur bankanna

Upplýsa verður um alla þá sem eiga meira en eitt prósent í íslensku fjármálafyrirtæki í ársreikningi. Ekki verður hægt að fela sig á bak við vörsluaðila heldur verður að upplýsa um hverjir endanlegir eigendur (e. beneficiary owners) eru. Þetta er á meðal þeirra breytinga sem koma fram í frumvarpi um breytingar á lögum um fjármálafyrirtæki. Steingrímur J. Sigfússon, ráðherra fjármálamarkaða og almennra viðskiptamála, segir frumvarpið vera í lokafrágangi og að það verði lagt fram í náinni framtíð.

Viðskipti innlent

Bregðast þarf við stöðu A-deildar LSR

Ríkisendurskoðun segir að bregðast þurfi við tryggingafræðilegri stöðu A-deildar Lífeyrissjóðs starfsmanna ríkisins (LSR) með hækkun iðgjalda launagreiðenda. Áfallnar skuldbindingar sjóðsins eru nú rúmum 10 milljörðum króna umfram eignir.

Viðskipti innlent

Ábyrgðarkver komið út á rafbók

Bók Gunnlaugs Jónssonar, Ábyrgðarkver, er komin út í mynd rafbókar. Bókin kom út í vor og vakti nokkra athygli. Seldist hún vel og var meðal annars á metsölulista Eymundsson um hríð á milli annarra bóka.

Viðskipti innlent

MP banki ætlar að auka hlutafé um tvo milljarða

Til stendur að auka hlutafé í MP banka um tvo milljarða króna, eða um 26 prósent. Tillaga þess efnis verður lögð fram á hluthafafundi á mánudag. Núverandi hluthafar bankans ætla flestir að taka þátt í aukningunni en auk þess hafa nýir fjárfestar lýst yfir áhuga á að bætast í hópinn. Skúli Mogensen, stærsti einstaki eigandi MP banka, ætlar að kaupa nýtt hlutafé og halda sömu hlutfallseign í bankanum, en hann á 17,3 prósenta hlut. Ekki liggur fyrir hvort erlendir aðilar, Tavistock Group og Rowland-fjölskyldan, muni taka þátt í aukningunni en það er heldur ekki útilokað.

Viðskipti innlent

Erfingjar Geira fá engan arf

Dánarbúi Ásgeirs Þórs Davíðssonar, eða Geira á Goldfinger eins og hann var að jafnan kallaður, hefur verið breytt í þrotabú og verður skipt þannig upp, en skuldir eru of miklar. Þetta kemur fram í viðtali við lögfræðinginn Jón G. Briem, sem fer með dánarbú Geira, og Viðskiptablaðið ræðir við á vef sínum.

Viðskipti innlent

Sjóðir Franklin Templeton eiga mikið af skuldum ríkisins

Sjóðir á vegum eins stærsta eignastýringarfyrirtækisins heims, Franklin Templeton, eiga tæplega helming skuldabréfa sem íslenska ríkið seldi til erlendra fjárfesta í júní í fyrra, eða eign upp á 469,9 milljónir dala, jafnvirði um 60 milljarða króna. Þetta kemur fram í ítarlegu eignayfirliti Franklin Templeton sem fréttastofa hefur undir höndum. Sjóðir á vegum félagsins eiga því 46,9 prósent af skuldabréfaútgáfunni frá því í júní 2011.

Viðskipti innlent

Íslandsbanki endurreiknar fjórtán þúsund lán

Íslandsbanki hyggst endurreikna 14.000 ólögleg gengislán í stað 6.000 eins og upphaflega var ráðgert. Bankinn ákvað að hætta við þrjú fyrirhuguð dómsmál og telur nægar vísbendingar komnar fram til að endurreikna fleiri tegundir lána en dómar hafa fallið um. Þetta kom fram í kvöldfréttum RÚV.

Viðskipti innlent

Haustfundur Landsvirkjunar í beinni á Vísi

Haustfundur Landsvirkjunar fer fram í dag undir yfirskriftinni Auður í orku framtíðar. Á meðal þeirra sem flytja framsögu á fundinum eru Hörður Arnarson forstjóri fyrirtækisins og Ragna Árnadóttir aðstoðarforstjóri. Fundurinn er í beinni útsendingu á Vísi og sjá má útsendinguna með því að smella hér að neðan.

Viðskipti innlent

Leiguverð lækkaði aðeins í október

Vísitala leiguverðs á höfuðborgarsvæðinu var 118,4 stig í október s.l. og lækkaði um 0,3% frá fyrra mánuði. Síðastliðna 3 mánuði hækkaði vísitalan um 1% og síðastliðna 12 mánuði hækkaði hún um 8,7%.

Viðskipti innlent

Kaupmáttur launa lækkaði í október

Kaupmáttur launa lækkaði í október s.l. miðað við fyrri mánuð. Vísitala kaupmáttar launa í október er 111,8 stig og lækkaði um 0,2% frá fyrri mánuði. Síðustu tólf mánuði hefur vísitala kaupmáttar launa hinsvegar hækkað um 0,9%.

Viðskipti innlent

Mest lesið