Lífið

Gerir auglýsingu með íþróttastjörnum

Óttar Guðnason kvikmyndatökumaður hefur verið á ferð og flugi undanfarnar vikur en hann hefur verið að taka upp auglýsingar á Miami og í New York. Þegar Fréttablaðið náði tali af honum var hann hins vegar kominn til Mílanó og var að fara að taka upp auglýsingu með mörgum af skærustu íþróttastjörnum landsins.

Lífið

The Hurt Locker sigurvegari

Kvikmyndin The Hurt Locker var kjörin besta myndin á verðlaunahátíð Samtaka framleiðenda í Bandaríkjunum. Sex af síðustu níu kvikmyndunum sem sigruðu á hátíðinni hafa í framhaldinu fengið Óskarsverðlaunin sem besta myndin.

Lífið

Geiri sextugur

Ásgeir Þór Davíðsson, eigandi Goldfinger, er sextugur í dag. Vísir hafði samband og óskaði honum til hamingju með daginn og forvitnaðist um leið út í veisluhöld.

Lífið

Dúndurgellur í Hafnarfirði - myndir

Eins og meðfylgjandi myndir sýna var troðfullt út úr dyrum í kosningagleði Rósu Guðbjartsdóttur bæjarfulltrúa Sjálfstæðisflokksins í Hafnarfirði á föstudaginn síðasta. Sigríður Klingenberg, sem er mikil stuðningskona Rósu, blés viðstöddum hinn eina sanna baráttuanda í brjóst og gaf gestum náttúrusteina - sigursteina Rósu. „Ég var að hjálpa henni Rósu," svarar Sigríður aðspurð hvað hún töfraði fram umrætt kvöld og segir:

Lífið

Guðbörg sigraði Söngkeppni Skólafélagsins 2010

Söngkeppni Menntaskólans í Reykjavík var haldin í gær á vegum Skólafélagsins í Loftkastalanum. Mikið var í keppnina lagt enda mikil skipulagsvinna sem liggur að baki svona keppni. Umsjón með keppninni höfðu fjórar stelpur í skemmtinefnd og stóðu þær sig með miklum sóma. Þær eru: Anna Jia, Helga Þórunn Óttarsdóttir, Steinunn Kristín Jóhannsdóttir og Telma Geirsdóttir.

Lífið

Fylgdi eftir manni götunnar

Frosti Jón Runólfsson, nemi við Kvikmyndaskóla Íslands, gerði stuttmynd um æskuvin sinn sem hefur að mestu búið á götunni undanfarin ár. Myndin verður væntanlega frumsýnd á Skjaldborg á þessu ári.

Lífið

Þráinn selur Fischersundið

„Þetta er bara ákvörðun sem við höfum dregið mjög lengi en gátum ekki beðið með. Konan mín er með Parkinson-sjúkdóminn og svo erum við víst bæði að verða eldri," segir Þráinn Bertelsson, óháður þingmaður og rithöfundur, en hann hefur sett hið sögufræga hús sitt við Fischersund 3 á sölu. Húsið er á þremur hæðum og er rúmir 250 fermetrar. Samkvæmt fasteignalýsingu var það byggt 1874 og stækkað árið eftir. Árið 2004 voru síðan gerðar miklar endurbætur á húsinu og heppnuðust þær það vel að Reykjavíkurborg veitti því sérstaka viðurkenningu fyrir vel heppnaða endurbyggingu á gömlu húsi með menningarsögulegt gildi.

Lífið

Lokaskammturinn kynntur

Í kvöld er komið að síðustu fimm lögunum í Söngvakeppni Sjónvarpsins í ár. Tvö þeirra komast í lokakeppnina 6. febrúar. Þrír karlar og tvær söngkonur verða á sviðinu, tvö lög eru á íslensku og þrjú á ensku.

Lífið

Titlar sig fyrirsætu vegna sjónvarpsmannsins Egils

„Það var alltaf verið að angra mig. Eftir hrunið þá var hringt í mig nánast tíu sinnum á dag. Fólk var að leita að Agli Helgasyni, alveg kolgeggjað,“ segir Egill Kári Helgason, nafni sjónvarpsmannsins þekkta og sonar hans Kára. Vegna áreitisins þurfti Egill Kári að setja starfsheitið módel aftan við nafnið sitt í símaskránni til að fæla æstan almúgann frá. „Ég hringdi í símaskrána og bað um að titla mig eitthvað sem tengdist Agli Helgasyni ekki neitt. Mér datt þetta nú í hug sjálfur en þær aðstoðuðu mig með þetta.“

Lífið

Handrit Hellisbúans fer í hring

Leikararnir Jóhannes Haukur Jóhannesson og Rúnar Freyr Gíslason hafa síðan um jólin setið sveittir við að þýða íslensku útgáfuna af Hellisbúanum yfir á ensku. Rétthafi verksins, Theater Mogul, óskaði eftir því að fá enska útgáfu af íslensku leikgerðinni en hún verður hugsanlega notuð þegar verkið verður sett upp í New York og París.

Lífið

Kysstust og drukku vín

Jennifer Aniston og Gerard Butler mættu ein síns liðs á Golden Globe-hátíðina um helgina en að sögn sjónarvotta héldu þau hvort öðru félagsskap meðan á hátíðinni stóð. Þau Butler léku saman í kvikmyndinni The Bounty Hunter sem frumsýnd var í Bandaríkjunum stuttu fyrir jól.

Lífið

Tengja hnakka og venjulegt fólk

„Við erum týndi hlekkurinn á milli hnakkanna og venjulegs fólks. Atli er náttúrlega hnakki frá helvíti. Þetta er Ebony and Ivory-pæling,“ segir rapparinn Erpur Eyvindarson.

Lífið

Hlífir sér við gjörningastússi

Fyrirsæta Ragnars Kjartanssonar á Feneyjatvíæringnum - „Sundskýlumaðurinn frá Feneyjum" - var listamaðurinn Páll Haukur Björnsson. Í dag kl. 14 er opnun sýningar hans, Grár er ekki ástand en takk fyrir afnotin af sófanum, í Listasal Mosfellsbæjar.

Lífið

Sýnt fráHaítí-söfnun

Alþjóðleg sjónvarpssöfnun fyrir fórnarlömb jarðskjálftans á Haítí, sem var haldin í nótt í London, Los Angeles og New York, verður sýnd á Stöð 2 Extra í kvöld.

Lífið

Kominn í meðferð

Tiger Woods skráði sig meðferð á meðferðarstofnunina Pine Grove Behavioral Health and Addiction Services í Hattiesburg fyrir viku. Lítið hefur sést til kylfingsins frá því að upp komst um framhjáhöld hans í lok síðasta árs. Rithöfundurinn Beniot Denizet-Lewis hélt því fram í sjónvarpsþætti að kylfingurinn væri að leita sér aðstoðar vegna kynlífsfíknar, en það hefur ekki fengist staðfest. Starfsmenn Pine Grove eru bundnir þagnareið og því hefur fjölmiðlum reynst erfitt að fá nokkrar upplýsingar um heilsu Woods.

Lífið

Spears talar með hreim

Söngkonan Britney Spears tók nýlega upp á því að tala með breskum hreim. Þeir sem þekkja til segja söngkonuna vera mikinn aðdáanda teiknimyndaþáttanna um Family Guy og að Britney sé að herma eftir hreimi hins barnunga Stewie úr þáttunum.

Lífið

Mammút og vinir

Hljómsveitin Mammút heldur tónleika á Grand rokki í kvöld klukkan 21. 1.000 krónur kostar inn á tónleikana og samkvæmt tilkynningu hefur hljómsveitin fengið til liðs við sig framtíð Íslands í tónlist. Ásamt Mammút koma fram hljómsveitirnar Agent Fresco, Sykur, sem gaf út plötuna Frábært eða frábært í fyrra, Rökkurró, sem gefur út plötu á næstunni, Muck, sem er ein bjartasta vonin í íslensku þungarokki og delta-blúsarinn Johnny Stronghands. Mammút er að hefja vinnu að nýrri plötu á næstunni, en útgáfudagur er óljós. - afb

Lífið

Allen vill eignast barn

Breska söngkonan Lily Allen vill eignast barn með kærastanum sínum Sam sem hún hefur verið með í rúmlega hálft ár. „Mig langar að eignast barn en ég er ekki að segja að ég sé ófrísk," sagði hún. Söngkonan, sem er 24 ára, hefur áður sagt að hún vilji stofna fjölskyldu og búa uppi í sveit.

Lífið

Stjörnurnar leggja Haítí lið í alþjóðlegri sjónvarpssöfnun; Hope for Haiti Now

Stöð 2 Extra sýnir á laugardagskvöld frá alþjóðlegri sjónvarpssöfnun fyrir fórnarlömb jarðskjálftans á Haítí sem fram fer í London, Los Angeles og New York aðfararnótt laugardags. Madonna, Beyoncé, Bill Clinton, Brad Pitt, Julia Roberts, Leonardo DiCaprio ásamt fleiri en hundrað stærstu kvikmynda-, sjónvarps- og tónlistarstjörnum heims munu leggja söfnuninni lið.

Lífið

Fólkið er það skemmtilegasta við baráttuna - myndir

„Það er í nógu að snúast í þessari prófkjörsbaráttu. Að mínu mati er prófkjörsbaráttan talsvert styttri og lágstemmdari en oft áður, og snýst meira um að ná samtölum við kjósendur," segir Þorbjörg Helga Vigfúsdóttir sem er á lokakafla í prófkjörsbaráttu fyrir komandi borgarstjórnarkosningar. Þorbjörg segir að þetta líki sér vel, enda séu samskipti við fólk skemmtilegasti hluti baráttunnar.

Lífið

Hristu af þér spikið og styrktu gott málefni

„Hugmyndin að þessum viðburði varð til þar sem við erum öll aðdáendur Sigga Hlö sem er með frábæra útvarpsþætti á Bylgjunni og við ákváðum að hafa samband við hann og hafa diskóþema þolfimi-og danstíma fyrir alla," segir Unnur Pálmarsdóttir í Sporthúsinu en á morgun, laugardag fer af stað söfnun til styrktar Neistanum, sem eru samtök fyrir hjartveik börn.

Lífið

Frábærir dómar

Uppfærsla Íslensku óperunnar á Ástardrykknum eftir Donizetti hlaut afbragðsgóðan dóm í heilsíðuumfjöllun í nýjasta hefti eins virtasta óperutímarits heims, Opera Now. Gagnrýnandinn Ingrid Gäfvert hrósar sérstaklega íslensku söngvurunum:

Lífið

Sterkari eftir niðurlægingu

Leikarinn og leikstjórinn Mel Gibson segist vera sterkari einstaklingur eftir hina „opinberu niðurlægingu“ sem hann gekk í gegnum þegar hann var handtekinn fyrir að aka undir áhrifum áfengis árið 2006. Gibson vakti mikla reiði almennings þegar kom í ljós að hann hafði talað niður til gyðinga þegar hann var handtekinn. „Ef þú spyrð fólk að því hvað það óttast mest þá er það opinber niðurlæging,“ sagði Gibson í viðtali við breska blaðið Mirror.

Lífið

Ekki eins og að fara í sturtu

Góðir Íslendingar eftir þá Jón Pál Eyjólfsson, Hall Ingólfsson og Jón Atla Jónasson verður frumsýnt í kvöld. Verkið tekur upp þráðinn þar sem Þú ert hér hætti.

Lífið

Frank, Frímann og Friðrik saman á Laundromat

„Þetta var alveg hrikalega skemmtilegt, ekki síst vegna þess að ég er búinn að fylgjast með Frímanni frá því að hann byrjaði,“ segir Friðrik Weisshappel, veitingamaður í Kaupmannahöfn. Hann fékk óvænta gesti til sín á þriðjudag þegar sjálfur Frímann Gunnarsson, leikinn af Gunnari Hanssyni, birtist í dyragátt Laundromat-kaffihússins með sjálfan Frank Hvam upp á arminn, aðalstjörnuna úr Klovn-þáttunum vinsælu.

Lífið

Skólapiltar gera grín á ÍNN

Gamanþátturinn 12:00, sem upphaflega var á vegum nemendafélags Verslunarskólans, hefur vakið nokkra athygli og í kjölfar vinsældanna var þátturinn seldur til sjónvarpsstöðvarinnar ÍNN en undir nýju heiti.

Lífið

Sömdu lag fyrir Haítí

Hljómsveitin U2 og rapparinn Jay Z hafa tekið upp lag til styrktar fórnarlömbum jarðskjálftans á Haítí. Þeim til aðstoðar verður upptökustjórinn Swizz Beatz. Þetta verður ekki í fyrsta sinn sem U2 styrkir þá sem minna mega sín því eftir fellibylinn Katrinu tók sveitin upp lagið The Saints Are Coming með rokkurunum í Green Day.

Lífið

Garðurinn kvikmyndaður

Fyrirtækið Pegasus hefur tryggt sér kvikmyndaréttinn að Garðinum, dularfullri draugasögu Gerðar Kristnýjar sem kom út hjá Máli og menningu árið 2008. Leikstjóri verður Reynir Lyngdal og hefst vinnan við handritið innan tíðar. „Mér finnst þetta ofboðslega skemmtilegt, sér í lagi að Reynir Lyngdal eigi eftir að leikstýra henni. Ég hef þekkt hann lengi og mér finnst hann skemmtilegur," segir Gerður Kristný.

Lífið

Mest lesið