Erlent

Hinn fullkomni er læknir með góðan húmor

Hin fullkomna kona er mjúkholda hjúkrunarfræðingur frá Sheffield, en hinn fullkomni karlkyns félagi væri læknir frá Newcastle með ríkulegt skopskyn og smekk fyrir kasmírpeysum. Þetta er niðurstaða könnunar sem Grazia-tímaritið breska gerði um hinn fullkomna félaga.

Erlent

Vilja frysta viðræður

Utanríkisráðherrar Evrópusambandsins sátu í gær á rökstólum í Brussel um það hvernig bregðast skuli við því að Tyrkir hafa ekki staðið við skuldbindingar um að opna hafnir sínar og flugvelli fyrir umferð og viðskiptum frá gríska hluta Kýpur. Talsmenn sambandsins höfðu hótað Tyrklandsstjórn því að hlé yrði gert um óákveðinn tíma á aðildarviðræðum Tyrkja, yrði hún ekki við kröfum ESB að þessu lútandi.

Erlent

Kúgun kvenna skaðar heilsu

Konur eru oft útilokaðar frá ákvarðanatökum fjölskyldunnar um matar- og lyfjakaup sem veldur því að börn þeirra eru vannærð og þeirra eigin heilsa í hættu. Þetta segir í nýrri skýrslu Barnahjálpar Sameinuðu þjóðanna um rannsókn sem náði til þrjátíu landa í öllum heimsálfum.

Erlent

Fær ekki viðhafnarútför

Chile-menn hafa skiptar skoðanir á Augusto Pinochet, einræðisherra Chile um sautján ára skeið, sem lést á sunnudag. Sumir fagna láti hans en aðrir syrgja.

Erlent

Helförin var rædd í ríki klerkanna

Umdeild ráðstefna um helförina gegn gyðingum var opnuð í Teheran í gær. Utanríkisráðherrann Manouchehr Mottaki sagði í opnunarávarpi að tilgangurinn væri „hvorki að afneita né sanna að helförin hafi átt sér stað“, en frumkvæðið að boðun hennar átti Mahmoud Ahmadinejad Íransforseti, sem hefur sagt helförina vera „goðsögn“ og að þurrka bæri Ísrael af landakortinu.

Erlent

Fleiri vændiskonur horfnar í Ipswich

Breska lögreglan óttast að rað-morðingi gangi laus í Suður-Englandi. Lík þriggja kvenna, sem allar störfuðu sem vændiskonur, hafa fundist á síðustu dögum og leikur grunur á að tvær konur til viðbótar séu horfnar.

Erlent

Bandaríkin svíki ekki eigin grunngildi

Kofi Annan, fráfarandi framkvæmdastjóri Sameinuðu þjóðanna, beindi spjótum sínum að Bandaríkjastjórn er hann hélt eina síðustu ræðu sína í embætti í gær. Bandaríkin hefðu sérstöku ábyrgðarhlutverki að gegna vegna risaveldisstöðu sinnar.

Erlent

Mistök að ýja að kjarnavopnum Ísraela

Talskona Ehuds Olmerts, forsætisráðherra Ísraels, sagði hann ekki hafa ætlað að segja að Ísraelar ættu kjarnavopn í sjónvarpsviðtali í kvöld. Hann taldi þar upp nafn Ísraels með öðrum kjarnorkuveldum, sem gengur þvert á þá stefnu sem ísraelsk stjórnvöld hafa fylgt undanfarin ár, að neita að gefa upp hvort ríkið eigi kjarnavopn eða ekki.

Erlent

Fjöldi ökumanna sektaður í Reykjavík

11 ökumenn voru teknir fyrir ölvunarakstur í umdæmi lögreglunnar í Reykjavík um helgina. Yngstur þeirra er liðlega 16 ára piltur sem hefur aldrei öðlast ökuréttindi eins og gefur að skilja. Þá stöðvaði lögreglan för 9 ökumanna sem höfðu þegar verið sviptir ökuleyfi. Tveir þeirra voru nú teknir fyrir þetta brot öðru sinni.

Erlent

Fuglesang loks lentur við alþjóðlegu geimstöðina

Sænski geimfarinn með hljómfagra nafnið, Christer Fuglesang, er ekki einasta kominn út í geim, heldur lentur við alþjóðlegu geimstöðina. Flaugin sem hann og félagar þeyttust með út fyrir hvolfin jarðarinnar lagðist að geimstöðinni upp úr tíu í kvöld. Lendingin á geimstöðinni er hættulegasti hluti ferðarinnar, að sögn Dagens Nyheter.

Erlent

Hafísinn gæti heyrt sögunni til eftir 34 ár

Bandarískir og kanadískir vísindamenn spá því í nýlegri rannsókn að Norðurpóllinn verði íslaus síðsumars strax árið 2040, vegna hlýnunar andrúmsloftsins. Að þeirra mati mun hafísinn hopa fjórfalt hraðar eftir 20 ár en hann hefur nokkurn tíma gert í sögunni.

Erlent

Gates-hjónin leggja fram 6 milljarða gegn malaríu

Stofnun Gates-hjónanna Bills og Melindu hefur heitið tæpum sex milljörðum íslenskra króna til baráttunnar við malaríu í heiminum. Fénu verður varið til betra eftirlits, rannsókna á bólusetningum og til að fyrirbyggja sjúkdóm sem verður rúmlega milljón manna að aldurtila á ári.

Erlent

Íslamskur skæruliðahópur hótar fleiri sprengjum í Alsír

Alsírskur skæruliðahópur íslamskra öfgasinna hefur lýst ábyrgð á hendur sér á sprengjuárás á rútu sem flutti erlenda olíuiðnaðarmenn. Þá varar hópurinn við frekari árásum. Alsírskur bílstjóri rútunnar lést í árásinni á sunnudaginn og særði níu manns, þeirra á meðal fjóra Breta og einn Bandaríkjamann.

Erlent

Olmert viðurkennir kjarnavopnaeign Ísraela

Forsætisráðherra Ísraels, Ehud Olmert, varð í kvöld, að því er virðist, fyrstur ísraelskra ráðamanna til að viðurkenna það sem marga grunaði: að Ísraelar búi yfir kjarnavopnum. Ekki er ljóst af ummælum hans í viðtali sem sýnt var í kvöld, hvort honum varð fótaskortur á tungunni, eða hvort það var ætlun hans að viðurkenna kjarnavopnaeign landsins.

Erlent

Rændu 70 milljónum úr brynvörðum bíl

Íraskir byssumenn dulbúnir sem hermenn stálu í dag einni milljón Bandaríkjadala, að jafnvirði tæplega 70 milljóna íslenskra króna, úr brynvörðum bíl sem var á leið til íraska seðlabankans í Bagdad. Ræningjarnir 10 rændu einnig fjórum öryggisvörðum á einni erilsömustu götu höfuðborgarinnar.

Erlent

Deilt um helförina

Tvær ráðstefnur um helför gyðinga hófust í Íran og Þýskalandi í dag. Í Teheran er spurt hvort helförin hafi í raun átt sér stað en í Berlín er fullyrt að þeir sem neiti því geri það einvörðungu í pólitískum tilgangi. Gögn Þjóðverja sjálfra um ódæðin séu næg sönnun.

Erlent

Ekki öllum harmdauði

Augusto Pinochet, fyrrverandi einræðisherra í Chile, er ekki öllum harmdauði, en hann lést á sjúkrahúsi í höfuðborginni, Santiago, í gær 91 árs að aldri. Landar hans skiptast í tvær fylkingar sem ýmist syrgðu hann eða stigu gleðidans við fregnir af andlátinu.

Erlent

Tengsl milli jafnréttis og velferðar barna

Náin tengsl eru á milli jafnréttis kynjanna og velferðar barna, samkvæmt nýrri skýrslu Barnahjálpar Sameinuðu þjóðanna, UNICEF, sem birt var í dag. Þar er vitnað til rannsókna sem sýna að ef karlmenn og konur hefðu jafnmikil völd í ákvarðanatökum myndi vannærðum börnum fækka í heiminum.

Erlent

Fresta aðildarviðræðum Tyrkja

Utanríkisráðherrar Evrópusambandsins samþykkti á fundi sínum í dag að fresta hluta af undirbúningsviðræðum um aðild Tyrkja að ESB um óákveðinn tíma. Tregðu Tyrkja við að opna Kýpverjum hafnir sínar og flugvelli er sögð ástæðan.

Erlent

Fimmtu vændiskonunnar saknað

Lögreglan í Bretlandi leitar nú fimmtu vændiskonunnar sem horfið hefur á stuttum tíma og óttast raðmorðingja sem líkir eftir verkum hins alræmda Kobba kviðristu, sem Englendingar kalla Jack the ripper. Þrjár þessara fimm hafa þegar fundist myrtar.

Erlent

Albert afhenti trúnaðarbréf í Washington

Albert Jónsson afhenti í dag George W. Bush, forseta Bandaríkjanna sem trúnaðarbréf sitt sem sendiherra Íslands í Bandaríkjunum. Afhendingin fór fram á skrifstofu forsetans í Hvíta húsinu. Albert var ráðgjafi Davíðs Oddssonar í utanríkismálum til margra ára og leiddi samninganefnd Íslendinga í varnarviðræðunum við Bandaríkjamenn.

Erlent

Íhuga að opna kistu Páls postula

Embættismenn í Páfagarði eru að velta því fyrir sér að láta opna stóra þykka marmarakistu, sem talið er að geymi jarðneskar leifar Páls postula. Búið er að reyna að taka röntgen myndir af kistunni, en hún er of þykk til þess að sjáist inn í hana.

Erlent

Verdi í gallabuxum

Franski tenórinn Roberto Alagna stormaði af sviðinu á Scala óperunni í Milanó í gær, eftir að hópur áhorfenda púaði á hann. Þetta gerðist í miðjum flutningi á óperunni Aidu, eftir Verdi. Púið var ekki vegna þess að Alagna stæði sig illa, heldur til þess að lýsa vanþóknun á þeim ummælum hans að áhorfendurnir í Scala óperunni væru erfiðir og duttlingafullir.

Erlent

Brenndu myndir af forseta Írans

Tugir stúdenta brenndu myndir af Mahmoud Ahmadinejad, forseta Írans, og köstuðu kínverjum til þess að trufla ræðu sem hann flutti við háskóla í Teheran, í dag. Þetta er í fyrsta skipti sem Ahmadinejad er sýndur svo opinn fjandskapur, síðan hann vann stórsigur í forsetakosningum árið 2005.

Erlent

Pardew rekinn frá West Ham

Alan Pardew var í dag sagt upp störfum sem knattspyrnustjóri West Ham eftir slakt gengi liðsins í ensku úrvalsdeildinni. Fram kemur í tilkynningu frá félaginu, sem er nú í eigu Íslendinga, að það sé gert með hagsmuni félagins í huga en Kevin Keen, þjálfari liðsins, tekur við því tímabundið.

Erlent

Danir kaupa eina geit á mínútu

Hjálparstofnun dönsku kirkjunnar er lent í vanda útaf sístækkandi geitahjörð sinni. Stofnunin hleypti um helgina af stað söfnun fyrir fátæka í Afríkuríkinu Malawi, þar sem Danir voru hvattir til þess að kaupa geit í jólagjöf handa þeim.

Erlent

Óttast raðmorðingja vændiskvenna

Breska lögreglan óttast að raðmorðingi, ámóta og hinn illræmdi Jack The Ripper, herji á vændiskonur í Ipswich í austurhluta landsins. Þrjár vændiskonur hafa fundist myrtar þar síðastliðna níu daga. Hinnar fjórðu er saknað og lögreglan telur ástæðu til þess að hafa áhyggjur af öryggi hennar.

Erlent

Mest lesið