Erlent

Geimskot gekk snuðrulaust fyrir sig

Geimskultunni Atlantis var skotið á loft frá Canaveral-höfða á Flórída í gær. Þetta er fyrsta geimskot Geimferðastofnunar Bandaríkjanna, NASA, á þessu ári.

Erlent

Dauðarefsing afnumin í Rúanda

Þjóðþing Rúanda samþykkti í gærkvöld að afnema dauðarefsingu í landinu og taka í staðinn upp lífstíðarfangelsi. Með því er búist við að skriður komist á mál á hendur mönnum sem sakaðir eru um aðild að þjóðarmorðunum í Rúanda árið 1994 þar sem um 800 þúsund manns voru drepnir á um 100 dögum.

Erlent

Bush til fundar við páfa

George Bush Bandaríkjaforseti kom í Vatíkanið í morgun til fundar við Benedikt páfa sextánda. Þetta er fyrsti fundur þeirra. Búist er við að páfi ræði við forsetann um stríðið í Írak og vanda kristinna þar í landi.

Erlent

Gátu ekki leyst öll vandamál heimsins

Mótmælendur voru ánægðir með afrek sín í Heiligendamm. Bush sat inni á hóteli með magakveisu meðan hinir leiðtogarnir héldu fund. Pútín segir eldflaugavarnakerfi Bandaríkjamanna sín vegna mega vera í Tyrklandi eða Írak.

Erlent

Segist tilbúinn að skila Gólan

Ehud Olmert, forsætisráðherra Ísraels, hefur sagt sýrlenskum yfirvöldum að hann sé tilbúinn að skila Gólan-hæðum. Þetta kom fram í umfjöllun ísraelska blaðsins Yediot í gær.

Erlent

Fangelsi með vitund ráðamanna

Svissneski stjórnmálamaðurinn Dick Marty fullyrðir, í nýrri skýrslu sem hann vann fyrir Evrópuráðið, að bandaríska leyniþjónustan CIA hafi starfrækt leynileg fangelsi í Póllandi og Rúmeníu á árunum 2003 til 2005. Hann segir fangelsin hafa verið starfrækt með fullri vitund ráðamanna.

Erlent

Paris Hilton aftur í fangelsið

Paris Hilton kallaði á móður sína og hrópaði: „Þetta er ekki réttlátt!“ þegar hún var leidd grátandi út úr dómsal í Los Angeles í gærkvöldi. Dómarinn hafði skipað henni að snúa aftur í fangelsi til að afplána allan 45 daga dóminn sem hún hafði hlotið fyrir skilorðsbrot.

Erlent

Gegn Kúrdum í Norður-Írak

Tyrknesk stórskotalið sprengdu skotmörk innan landamæra Írak, þar sem talið var að uppreisnarmenn úr röðum Kúrda héldu til. Leiðtogar Kúrda í Írak og Condoleezza Rice, utanríkisráðherra Bandaríkjanna, vöruðu Tyrki við að ýta undir ólgu á svæðinu með aðgerðunum.

Erlent

Ólympíumynd veldur flogum

Kynningarmyndband fyrir merki Ólympíuleikana sem haldnir verða í London árið 2012 hefur verið fjarlægt af vefnum. Í ljós kom að myndbandið hefur valdið því að sumir áhorfendur fá flogaköst af því að berja það augum.

Erlent

Græningjar ekki í stjórn

Í gær slitnaði upp úr sex daga stjórnarmyndunarviðræðum á Írlandi, þar sem stjórnarflokkur Bertie Aherns forsætisráðherra hafði reynt að mynda stjórn með Græningjum.

Erlent

Símsamband við Vatnajökul

Breski listamaðurinn Katie Paterson hefur gert listunnendum kleift að hlusta á Vatnajökul bráðna með einu símtali. Paterson varð hugfangin af íslensku jöklunum á ferð sinni um landið. Hún kom fyrir hljóð-nema í Jökulsárlóni og í síma má heyra skruðninga, brak og bresti þegar jökullinn molnar og skellur á yfirborði lónsins. Símanúmerið hjá Vatnajökli er 00-44-7758-225698.

Erlent

Vilja ræða mannréttindabrot Kína

Sænsk yfirvöld munu ekki veigra sér við að ræða slæma frammistöðu Kínverja í mannréttindamálum við Hu Jintao Kínaforseta. Þetta var haft Carl Bildt utanríkisráðherra í gær. Kínaforseti heimsækir Svíþjóð um helgina ásamt sendinefnd.

Erlent

Reglur um vegabréf mildaðar í USA

Reglur um framvísun vegabréfa fyrir Bandaríkjamenn á leið sinni inn og út úr Bandaríkjunum verða mildaðar í sumar. Sem kunnugt er hertust reglurnar mikið eftir hryðjuverkaárásirnar í New York 2001.

Erlent

Atlantis komin á loft

Geimskutla Nasa, Atlantis, tókst á loft frá Flórída í Bandaríkjunum nú rétt í þessu, eða klukkan 23:38 að íslenskum tíma. Flugtakið gekk vel og var á áætluðum tíma.

Erlent

Paris í fangelsi á ný

Dómarinn í máli Parisar Hilton hefur fyrirskipað að hún verði send rakleiðis í fangelsi á ný og skuli dúsa þar allan þann tíma sem hún var dæmd til. Paris brotnaði niður þegar að dómarinn kvað upp úrskurð sinn og grét hástöfum. Hún var síðan leidd í handjárnum út í lögreglubíl og þaðan var hún keyrð í fangelsið á ný.

Erlent

Færeyingar hvattir til að hætta þorskveiðum

Alþjóða hafrannsóknarráðið (ICES) leggur til að hætt verði veiðum á þorski á færeyska landgrunninu og að færeyska fiskidagakerfið verði endurskoðað á komandi ári. Ráðið telur hrygningarstofn þorsksins svo lítinn að ekki sé vitað hvað verður ef veiðar halda áfram.

Erlent

Cheney hjá lækni

Dick Cheney, varaforseti Bandaríkjanna, fór í reglulega hjartaskoðun í morgun, samkvæmt heimildum Reuters fréttastofunnar. Cheney er 66 ára gamall. Hann hefur fjórum sinnum fengið hjartaáfall og fékk gangráð ígræddan fyrir sex árum.

Erlent

Danstilskipun til að draga úr offitu

Kínverska menntamálaráðuneytið hefur upplýst að það hyggist láta skólabörn landsins læra að dansa, til þess að draga úr offitu. Gagnfræðaskólakrökkum verður til dæmis skipað að læra vals. Kínverjar hafa alltaf stært sig af því að vera grennri en vesturlandabúar. Það hefur hinsvegar breyst með aukinni velmegun og vestrænum skyndbitastöðum.

Erlent

Paris Hilton komin í Metropolitan dómshúsið

Paris Hilton er nú komin á fund Michael Sauer dómara í Metropolitan dómshúsinu. Þangað var hún flutt handjárnuð í lögreglufylgd. Hundruðir paparassa biðu stjörnunnar þegar hún renndi í hlaðið.

Erlent

Olmert tilbúinn til þess að skila Golan hæðum

Hægri menn í Ísrael eru sjóðandi reiðir yfir fréttum um að Ehud Olmert forsætisráðherra hafi sagt Sýrlendingum að hann sé reiðubúinn að skila þeim Golan hæðum. Ísraelar hertóku hæðirnar í sex daga stríðinu árið 1967. Olmert setur þau skilyrði að Sýrlendingar slíti öll tengsl við Íran og Hisbolla og hætt stuðningi við hryðjuverkamenn. Og geri friðarsamning við Ísrael.

Erlent

Bærileg vist í höndum sjóræningja

Dönsku sjómennirnir á flutningaskipinu sem var rænt undan ströndum Sómalíu í síðustu viku hafa það þokkalegt, samkvæmt upplýsingum sem danska utanríkisráðuneytið hefur aflað sér. Ráðuneytið vill ekki upplýsa hvort það sé í sambandi við sjóræningjana sjálfa. Fimm Danir eru um borð í Danica White.

Erlent

Vélmenni hjálpar vísindamönnum að skilja börn

Vélbarnið CB2 er nýjasta hönnun japanskra vísindanna. CB2 þykir líkari fyrirmyndinni en fyrri kynslóðar vélmenn. Hreyfingarnar eru mun mýkri en áður hefur sést hjá vélmönnum, húðin er úr sílikoni, hann sýnir svipbrigði, getur skriðið og tekið skref þótt óstöðugur sé.

Erlent

Mannréttindasamtök gefa út skýrslu um „horfna“ fanga

Sex mannréttindasamtök gáfu í dag út upplýsingar um 39 einstaklinga sem talið er að sé haldið föngnum í leynifangelsum Bandaríkjanna. Einnig hefur verið greint frá nöfnum ættingja hinna horfnu fanga sem sjálfir hafa valið í leynifangelsum. Þar er jafnvel um að ræða börn, allt niður í 7 ára aldur. Íslandsdeild Amnesty hefur sent sendiráði Bandaríkjanna hér á landi afrit af skýrslunni.

Erlent

Fjórtán myrtir á heimili lögreglustjóra

Byssumenn réðust inn á heimili lögreglustjórans, Colonel Ali Delyan Ahmed, í Baquba einni hættulegustu borg Íraks í dag. Fjórtán manns voru myrtir, þar á meðal eiginkona lögreglustjórans og bróðir. Auk þeirra týndu ellefu lífverðir lögreglustjórans lífi. Fjórum börnum lögreglustjórans var rænt.

Erlent

Ekkert Coca-Cola, bara Afri-Cola

Þó að Coca-Cola sé auglýst sem „hið eina sanna" er það hvergi að finna á G8 fundinum í Heiligendam í Þýskalandi sem nú stendur yfir. Blaðamönnum sem sækja fundinn hefur hins vegar verið boðið upp á þýskan kóladrykk sem kallast Afri-Cola og er tappað á flöskur í nágrenni fundarstaðarins.

Erlent

Mest lesið