Erlent

Tuttugasti og annar táningurinn drepinn í London

Táningur var skotinn til bana in í matvörubúð í Suður-London kl. 10 í gærkvöldi. Er hann tuttugasti og annar táningurinn til þess að vera drepinn í London á þessu ári. Talið er að fórnalambið hafi verið átján ára en nítján ára drengur hefur verið handtekinn grunaður um morðið.

Erlent

Rússar segja Georgíu undirbúa hernaðaraðgerðir

Rússnesk yfirvöld fullyrða að Georgíumenn undibúi nú hernaðaraðgerðir gegn Suður Ossetíu en til bardaga kom á svæðinu í nótt. Suður Ossetía er hérað í Georgíu sem lýst hefur yfir sjálfstæði og eru Rússar sagðir styðja þá ákvörðun. Utanríkisráðherra Rússa sagði í samtali við leiðtoga Suður Osseta í síma í morgun að líta mætti á aðgerðir Georgíumanna í nótt sem undirbúning að frekari stríðsrekstri.

Erlent

Sprengjuárás í Istanbul

Nokkrum handsprengjum var í morgun varpað á sveitarstjórnaskrifstofu í Istanbul. Vitni sögðust hafa heyrt fjórar sprengingar en aðeins er vitað um einn vegfaranda sem slasaðist í árásinni.

Erlent

Breskir ríkisstarfsmenn fjölmenna til Peking

Bretar senda rúmlega þrjú hundruð íþróttamenn á Ólympíuleikana í Peking en gestir á vegum breska ríkisins eru helmingi fleiri. Þetta kemur fram í breska blaðinu the Daily Telegraph. 313 íþróttamenn keppa fyrir hönd Bretlands á leikunum en rúmlega 600 einstaklingar sækja leikana heim í boði ríkisins.

Erlent

Mótmæli í Caracas

Hugo Chavez, forseti Venesúela, er umdeildur maður og enn á ný valda aðgerðir hans á forsetastóli deilum í landinu. Í nótt voru kröftug mótmæli á götum höfuðborgarinnar Caracas gegn áformum forsetans um að banna ákveðnum stjórnmálamönnum að bjóða sig fram að nýju en nokkir mánuðir eru til sveitarstjórnakosninga í landinu .

Erlent

Sprengjuárás við Svartahaf

Einn lést og annar slasaðist í sprengjuárás á rússneskum sumardvalarstað við Svartahaf í morgun. Sprengjan sprakk í borginni Sochi en borgin mun halda vetrarólympíuleikana árið 2014. Sprengjan sprakk á baðströnd og hefur hún nú verið rýmd og henni lokað. Engar nánari upplýsingar er að hafa á þessari stundu.

Erlent

Mexíkóar mótmæla aftöku í Texas

Yfirvöld í Mexíkó hafa sent formlegt mómælabréf til utanríkisráðuneytis Bandaríkjanna í kjölfarið á aftöku á Mexíkóskum ríkisborgara sem fram fór í Texas í fyrrinótt.

Erlent

Bush deilir á Kínverja

George Bush Bandaríkjaforseti hélt ræðu í Bangkok í nótt þar sem hann ávítti Kínverja fyrir slælega frammistöðu í mannréttindamálum. Viðbúið er að ræðan valdi nokkrum titringi á meðal ráðamanna í Peking en þangað er för Bush heitið frá Tælandi en hann mun verða viðstaddur Ólympíuleikana í borginni sem hefjast á morgun.

Erlent

Kjærsgaard útskrifuð

Pia Kjærsgaard, leiðtogi danska þjóðarflokksins, var í nótt útskrifuð af sjúkrahúsi en þangað var hún flutt í skyndi í gær. Pia hafði kvartað undan hausverk í síðustu viku og í gær þurfti hún að víkja af sumarfundi flokks síns rétt áður en hún ávarpaði fundargesti.

Erlent

Ólympíueldurinn nálgast endastöð

Þrír dagar eru þangað til að Ólympíuleikarnir hefjast í Kína. Þessa seinustu daga munu ríflega 800 einstaklingar bera eldinn um stund. NBA-stjarnan Yao Ming var meðal þeirra sem báru eldinn í dag.

Erlent

McCain gerir aftur gys að Obama í nýrri auglýsingu

John McCain lætur ekki deigan síga í kosningabaráttunni við Barack Obama um bandaríska forsetastólinn og birti í dag nýja auglýsingu þar sem hann líkir Obama aftur við ofurstjörnur Hollywood. Áður hafði McCain gert auglýsingu sem líkti Obama við Paris Hilton og Britney Spears.

Erlent

Þúsundir í verkfalli í Suður-Afríku

Þúsundir verkamanna hafa í dag tekið þátt í verkfalli um alla Suður Afríku til þess að mótmæla rísandi eldsneytis- og matarverði og aðgerðaleysi ríkisstjórnarinnar. Stéttarfélagið COSATU sem hefur tvær milljónir meðlima hvatti félagsmenn sína til þess að leggja niður störf í dag. Var tilgangurinn að að senda vinnuveitendum sínum skilaboð en þeir íhuga að minnka laun vegna ástandsins.

Erlent

Óljós svör Írana valda vonbrigðum

Símafundur verður á eftir á milli leiðtoga sex leiðandi þjóða í heiminum þar sem fjallað verðu um hvernig eigi að bregðast við óljósu svarbréfi Írana við tilboði þeirra um samvinnu. Þykja Íranar hafa verið með undanbrögð með óljósu svari sínu.

Erlent

Kjærsgaard á sjúkrahúsi

Leiðtogi Danska þjóðarflokksins, Pia Kjærsgaard, er nú í rannsókn á sjúkrahúsinu í Hróarskeldu eftir að hún fann fyrir miklum höfuðverk á á sumarfundi flokksins á Sjálandi í dag.

Erlent

Bílstjóri bin Ladens dæmdur

Salim Hamdan, bílstjóri Osama bin Ladens, var í dag fundinn sekur af bandarískum herdómsstóli í Guantanamo fangabúðunum. Þetta var í fyrsta sinn sem fullt dómsmál fer fyrir bandarískan herrétt síðan í seinni heimstyrjöldinni.

Erlent

Helmingur af prímatategundum jarðar í útrýmingarhættu

Nærrum því helmingur allra prímatategunda eru í útrýmingahættu samkvæmt Alþjóðasamtökunum um verndun náttúru (IUCN). Halda samtökin þessu fram á grundvelli rannsókna hundruða vísindamanna en meira en áratugur er síðan svo viðamikill samantekt hefur verið gert. Hafa stofnar marga tegunda versnað til muna á síðasta áratug.

Erlent

Mótmæltu fóstureyðingum í Peking

Þrír Bandaríkjamenn voru í morgun handteknir á Torgi hins himneska friðar. Fólkið vildi mótmæla aðgerðum kínverskra stjórnvalda sem miða að því að stemma stigu við fólksfjölgun í landinu en þar mega hjón aðeins eiga eitt barn. Það leiðir til þess að fóstureyðingar eru mjög algengar í landinu. Fólkið sem er kaþólskt og mótmælandatrúar hrópaði ókvæðisorð að stjórnvöldum og sagði konur neyddar í fóstureyðingar til þess að framfylgja lögunum.

Erlent

Norður Kórea á langt í land

George Bush lofsamaði stjórnvöld í Suður Kóreu í ræðu sem hann hélt í morgun, en sagði að nágrannar þeirra í norðri þurfi að vinna mikið verk áður en hann íhugi að taka Norður Kóreu af listanum yfir öxulveldi hins illa.

Erlent

Solzhenitsyn jarðaður

Útför rússneska andófsmannsins og rithöfundarins Alexanders Solzhenitsyn fór fram í morgun. Rithöfundurinn lést á Sunnudag, 89 ára gamall og verður hann jarðaður að eigin ósk í Donskoy klaustrinu í Moskvu.

Erlent

Stálu milljónum kreditkortanúmera

Bandarísk yfirvöld hafa ákært ellefu manns í tengslum við þjófnað á yfir fjörutíu milljón kreditkortanúmerum í stærsta máli af því tagi í sögunni. Um var að ræða alþjóðlegt gengi tölvuglæpamanna sem brutust inn í tölvur bandarískra stórverslana og náðu þannig í upplýsingar um kortanúmer og lykilorð milljóna viðskiptavina. Fólkið seldi upplýsingarnar síðan áfram til annara glæpamanna.

Erlent

Sleppa föngum í skiptum fyrir lík

Ísraelar slepptu í morgun fimm palestínskum föngum úr haldi. Þetta var gert eftir að samkomulag náðist við Hesbolla samtökin í Líbanon fyrr í vikunni en Ísraelar fá í staðinn lík tveggja ísraelskra hermanna sem féllu í átökunum á Landamærum Ísraels og Líbanon árið 2006.

Erlent

Bankaránum fjölgar mikið í Svíþjóð

Bankaránum hefur fjölgað mjög í Svíþjóð á þessu ári og ræningjarnir grípa frekar til ofbeldis en áður. Á síðasta ári voru framin eða gerð tilraun til að fremja fjörutíu bankarán í landinu en það sem af er þessu ári hafa ránin og ránstilraunirnar verið sextíu og sex og þó eru næstum fimm mánuðir eftir af árinu. Nú þegar er um sextíu og fimm prósenta aukningu á milli ára að ræða.

Erlent

Mest lesið