Erlent

Þúsundir manna að störfum vegna olíulekans í Mexíkóflóa

Nokkur þúsund manns reyna að stemma stigu við olíulekanum í Mexíkóflóa. Slæmt veður fyrr í vikunni stóð hreinsunaraðgerðum fyrir þrifum en nú reyna menn að nýta tímann vel. Meðal þeirra sem koma að aðgerðunum eru starfsmenn strandgæslunnar, breska olíurisans BP, liðsmenn þjóðvarðliðsins og fjölmargir sjálfboðaliðar. Víðsvegar hafa verið settar upp baujur, flotgirðingar og net til að koma í veg fyrir útbreiðslu olíuflekksins.

Erlent

Flugbann áfram víða á Bretlandseyjum

Aska frá gosinu í Eyjafjallajökli veldur því að flugvellir á Írlandi, Norður-Írlandi og í Skotlandi verða áfram lokaðir. Vegna flugbannsins í dag voru nokkrir flugvellir lokaðir í löndunum, þar á meðal í skosku borgunum Glasgow og Edinborg.

Erlent

Unglingur stunginn til bana í London

Enn einn unglingurinn var stunginn til bana í Bretlandi í dag. Um var að ræða 16 ára gamlan dreng sem hlaut alvarlega áverka eftir eggvopn í almenningsgarði í suðurhluta London seinnipartinn í dag. Hann var úrskurðaður látinn við komuna á sjúkrahús. Lögregla handtók nokkra drengi á svipuðum aldri sem grunaðir eru um aðild að morðinu.

Erlent

Papandreou fordæmir aðgerðir mótmælenda

George Papandreou, forsætisráðherra Grikklands, fordæmdir aðgerðir mótmælenda í Aþenu fyrr í dag þegar þrír létu lífið og fleiri hlutu brunasár. „Mótmæli eru eitt en morð er allt annað,“ segir forsætisráðherrann.

Erlent

Nýta síðustu klukkustundirnar

Íhaldsflokkurinn nær ekki hreinum meirihluta í bresku þingkosningunum sem fram fara á morgun ef eitthvað er að marka skoðanakannanir sem breskir fjölmiðlar birtu í kvöld. Líkt og í fyrri könnunum hafa íhaldsmenn enn nokkra forystu á Verkamannflokkinn og Frjálslynda demókrata en forskotið dugar flokknum ekki til að ná meirihluta þingmanna.

Erlent

Rændu dóttur sinni frá kærastanum

Foreldrar í Noregi hafa verið ákærðir fyrir beita miklu ofbeldi og skapa hættu þegar þeir rændu nítján ára gamalli dóttur sinni frá tuttugu og sjö ára gömlum kærasta hennar.

Erlent

Gleðiganga stöðvuð í Litháen

Amnesty International krefjast þess að rétturinn til fundar- og tjáningarfrelsis sé virtur í Litháen. Samkynhneigðir, tvíkynhneigðir og transgender í Eystrasaltslöndunum mæta miklu andstreymi í aðdraganda Gleðigöngu, sem fyrirhugað var að halda í fyrsta sinn í Vilníus, höfuðborg Litháen, þann 8. maí næstkomandi.

Erlent

Skelfing í Amsterdam

Fjölmargir slösuðust þegar skelfing greip um sig í mannfjölda sem var við minningarathöfn í Amsterdam í gær.

Erlent

13 í haldi vegna gengjastríðs

Danska lögreglan handtók í gærmorgun þrettán manns tengda vélhjólasamtökum Vítisengla. Handtökurnar voru hluti af aðgerð sem staðið hefur um nokkurt skeið og miðar að því að stöðva stríð sem geisað hefur milli Vítisengla og gengja innflytjenda. Fjórir mannanna eru meðlimir Vítisengla og níu meðlimir áhangendaklúbba.

Erlent

Brown segist bera ábyrgðina

Gordon Brown, forsætisráðherra Bretlands, segist taka á sig alla ábyrgð ef Verkamannaflokkur hans tapar þingmeirihluta í kosningunum á morgun.

Erlent

Flugstjórnarsvæðin samhæfð

Samgönguráðherrar Evrópusambandsríkjanna komu saman í gær á aukafundi í Brussel til að skiptast á skoðunum og meta afleiðingarnar af þeirri röskun sem varð á flugumferð í Evrópu vegna eldgossins í Eyjafjallajökli.

Erlent

Efast um björgunarpakka AGS og ESB

Um fjögur þúsund kennarar og nemendur tóku þátt í mótmælagöngu í Aþenu í gær gegn aðhaldsaðgerðum stjórnvalda, sem koma harkalega niður á almenningi. Sumir mótmælendanna lentu í átökum við lögreglu.

Erlent

Mótmælendur fagna tilboðinu

Leiðtogar rauðklæddu mótmælendanna í Taílandi hafa fagnað sáttatilboði frá Abhisit Vejjajiva forsætisráðherra, en vilja fá að sjá nánari útfærsluhugmyndir áður en þeir gefa endanlegt svar.

Erlent

Ákærður fyrir hryðjuverk

-AP- Faisal Shahzad, þrítugur bandarískur ríkisborgari sem fæddur er í Pakistan, hefur viðurkennt að hafa ætlað að sprengja sprengju í bifreið við Times-torg í New York á háannatíma um helgina.

Erlent

Brown biðlar til óákveðna kjósenda

Gordon Brown, forsætisráðherra Bretlands og formaður Verkamannaflokksins, biðlaði til óákveðna kjósenda á kosningafundi í Manchester í kvöld og bað þá um að kjósa Verkamannaflokkinn í kosningunum á fimmtudaginn. Hann sagði að staða Bretlands og bresks almennings væri mun betri eftir að flokkurinn tók við stjórnartaumunum fyrir 13 árum.

Erlent

Halderman fær hálft ár fyrir að kúga Letterman

Sjónvarpsframleiðandinn Robert Joel Halderman þarf að sitja í fangelsi í hálft ár fyrir að hafa hafa reynt að kúga fé út úr spjallþáttastjórnandanum David Letterman í fyrrahaust. Hann þarf auk þess að vinna 1000 klukkustundir í samfélagsvinnu.

Erlent

Obama: Bandaríkjamenn láta ekki hræða sig

Pakistaninn sem var handtekinn vegna misheppnaðs sprengjutilræðis á Times torgi í New York hefur viðurkennt verknaðinn. Barack Obama sagði í dag að hryðjuverkamenn muni aldrei beygja Bandaríkin.

Erlent

Eiður vísar ásökunum um nasisma á bug

„Ég hef lesið, mér til mikilla hörmunga, grein í Daily Star í dag, þar sem ég er sakaður um að heilsa með nasistakveðju,“ segir Eiður Smári Guðjohnsen, knattspyrnumaður hjá Tottenham, í yfirlýsingu sem hann sendi dagblaðinu Daily Star, í morgun. „Á myndinni sést ég benda með einum fingri en með annan fingur á vörinni. Þetta er ekki og var ekki nasistakveðja,“ segir Eiður.

Erlent

Mest lesið