Erlent

Krúttlegt eða hræðilegt? Kínverskir ellilífeyrisþegar taka Lady Gaga

Kínverskur kór eldri borgara hefur slegið í gegn eftir að hafa komið fram í sjónvarpsþætti í Kína. Kórinn tók hið geysivinsæla lag Lady Gaga „Bad Romance“ og var sviðsetningin svo glæsileg að sjálf Gaga hefði verið stolt af. Eftir að lagið lak á Netið hafa vinsældirnar rokið upp og tæplega níuhundruð þúsund manns hafa nú horft á kórinn og á þessa glæsilegu útgáfu af annars stórgóðu lagi.

Erlent

Nýjir símar frá BlackBerry

Nýjustu týpur snjallsímans BlackBerry voru kynntar í dag. Tæknifyrirtækið Research in Motion hefur átt í miklum erfiðleikum undanfarið en samskiptakerfi BlackBerry hrundi fyrir nokkru og sátu margir notendur snjallsímanna eftir með sárt ennið.

Erlent

Gagnrýnendur elska Streep

Meryl Streep hlýtur mikið lof þeirra gagnrýnenda sem þegar hafa séð hana í hlutverki í Járnfrúnni, mynd sem verið er að gera um um Margaret Thatcher. Thatcher er sem kunnugt er fyrrverandi forsætisráðherra Bretlands. Kevin Maher, gagnrýnandi The Times, segir að Streep hafi fundið konuna að baki karakternum. David Gritten, gagnrýnandi The Telegraph, segir að frammistaða Streep yfirskyggi myndina sjálfa. Stikla úr myndinni kom út í gær, en Járnfrúin fer ekki í almennar sýningar fyrr en þann 6. janúar næstkomandi.

Erlent

Heilastarfsemi mannsins í tölvukubbi

Vísindamenn við Tækniháskólann í Massachusetts í Bandaríkjunum hafa þróað tölvukubb sem getur hermt eftir heilastarfsemi mannsins. Talið er að kubburinn eigi eftir að bylta rannsóknum í taugafræði og varpa nýju ljósi á ferlið sem liggur að baki lærdómi og minni.

Erlent

Occupy Wall Street: Mótmælendum skipað að yfirgefa Zucotti Park

Lögreglan á Wall Street í New York hefur skipað mótmælendum að yfirgefa Zucotti Park á Manhattan en þar hófust mótmælin gegn Wall Street og þar hefur þungamiðja þeirra verið frá byrjun. Lögreglan lofar því hinsvegar að fólkið fái að snúa aftur um leið og garðurinn hefur verið þrifinn. Því fylgja reyndar ákveðin skilyrði, því þegar mótmælendurnir fá að snúa aftur mega þeir ekki taka með sér tjöld, teppi og svefnpoka.

Erlent

Salman Rushdie kominn í stríð við Facebook

Hinn þekkti rithöfundur Salman Rushdie er kominn í stríð við Facebook. Ástæðan fyrir þessu er að Facrbook gerir þá kröfu að Rushdie noti sitt rétta nafn á Facebook síðu sinni en samkvæmt vegabréfi rithöfundarins heitir hann Ahmed Rushdie.

Erlent

Ungur frumkvöðull sviptir sig lífi

Einn af stofnendum samskiptasíðunnar Diaspora* fannst látinn á heimili sínu í San Francisco í dag. Ilya Zhitomirskiy var 22 ára og stofnaði samskiptasíðuna ásamt þremur félögum sínum.

Erlent

Braust inn og skreytti fyrir jólin

Jólabarnið Terry Trent var handtekinn af lögreglunni í Ohio í Bandaríkjunum í gær. Terry, sem er 44 ára gamall, er grunaður um að hafa brotist inn á heimili fjölskyldu og skreytt fyrir jólin.

Erlent

Fljúgandi Frakkar: Þú færð í magann af því að horfa á þetta

Félagarnir Tancrede og Julien eru afar áhugasamir um þá undarlegu iðju að fleygja sér fram af bjargbrún með fallhlíf á bakinu. Þeir bæta reyndar um betur og eru taldir á meðal þeirra fremstu í heiminum í línudansi þar sem ekki er notast við neina öryggislínu. Kvikmyndagerðamaðurinn Sébastien Montaz-Rosset hefur nú gert heimildamynd um félagana og hér má sjá sýnishorn úr henni þar sem þeir leika sér í tilkomumikilli náttúrunni í Noregi.

Erlent

Vill varúðarmerkingar á ljósmyndum af fyrirsætum

Jafnréttisráðherra Noregs, Audun Lysbakken, vill að ljósmyndir af fyrirsætum verði ávallt birtar með varnaðarorðum líkt og tíðkast á tóbaksumbúðum. Hann telur að tölvubreyttar myndir af konum ýti undir neikvæða sjálfsmynd stúlkna. Með þessu vill Lysbakken berjast gegn átröskun ungs fólks.

Erlent

Níu látnir eftir öfluga sprengingu í Kína

Níu létust og rúmlega 30 særðust eftir að sprenging átti sér stað á veitingastað í Kína í dag. Sprengingin var gríðarlega öflug og splundruðust rúður í allt að þriggja kílómetra fjarlægð.

Erlent

Þrír geimfarar og reiður fugl á leið til ISS

Rússnesku eldflauginni Soyuz var skotið á loft frá Kasakstan í gær. Þrír geimfarar munu ferðast með flauginni til Alþjóðlegu geimstöðvarinnar, ISS. Mikill snjóstormur gekk yfir Kasakstan þegar skotið var áætlað en Rússarnir létu það lítið á sig fá.

Erlent

Jórdaníukonungur vill að Assad segi af sér

Abdúllah konungur Jórdaníu segir að Bashar al-Assad Sýrlandsforseti ætti að segja af sér. Konungurinn lét þessi orð falla í viðtali við breska ríkisútvarpið BBC. Abdúllah segir að væri hann í skóm Assads myndi hann segja af sér og sjá til þess að eftirmaður hans gæti breytt því ófremdarástandi sem nú ríki í landinu.

Erlent

Breivik áfram í varðhaldi í tólf vikur hið minnsta

Dómari í Osló úrskurðaði í dag að fjöldamorðinginn Anders Behring Breivik skyldi sæta áframhaldandi gæsluvarðhaldi í 12 vikur. Dómarinn segir ekki loku fyrir það skotið að Breivik gæti eyðilagt sönnunargögn fengi hann að ganga laus auk þess sem ekki sé útilokað að hann hafi fengið hjálp við að drýgja ódæðin í Osló og í Útey í júlí.

Erlent

Keith segir að Jagger sé díva

Keith Richards gítarleikarinn þrautsegi í Rolling Stones segir að félagi sinn í bandinu, Mick Jagger, sé díva. Hann segir að þeir félagar séu eins og bræður sem geti rifist eins og hundur og köttur en alltaf elskað hvorn annan. Þetta kemur fram í viðtali við Guardian.

Erlent

Magnaðar myndir úr alþjóðlegu geimstöðinni

Þjóðverjinn Michael König vann þetta myndband úr hráefni frá NASA sem geimfarar í alþjóðlegu geimstöðinni tóku á tímabilinu ágúst til september 2011. Það er ekki sýnt í rauntíma heldur er það samsett úr miklum fjölda ljósmynda sem geimfararnir tóku.

Erlent

Áfram tilkynnt um nauðganir í Osló

Ekkert lát er á bylgju nauðgana sem hrellt hefur íbúa Osló í Noregi undanfarnar vikur. Þrátt fyrir mikinn viðbúnað lögreglu og um 600 sjálfboðaliða á vakt í miðborg Osló um helgina var samt tilkynnt um tvær nauðganir í borginni.

Erlent

Mest lesið