Enski boltinn

Gibson tilbúinn að yfirgefa United

Darron Gibson, miðvallarleikmaður Manchester United, segist reiðubúinn að yfirgefa herbúðir félagsins fái hann ekki nægan spilatíma. Sunderland gerði fyrr í vikunni boð í þrjá leikmenn Manhcester United þá Wes Brown, John O'Shea auk Gibson.

Enski boltinn

Cantona snýr aftur á Old Trafford

Eric Cantona mun snúa aftur á Old Trafford í ágúst og taka þátt í kveðjuleik Paul Scholes. Scholes sem lagði skóna á hilluna fyrir skemmstu spilaði við hlið Cantona á sínum tíma í framlínu Manchester United.

Enski boltinn

Chelsea greiðir hæstu launin - laun fara hækkandi

Í nýrri skýrslu endurskoðunarfyrirtækisins Deloitte kemur fram að laun í ensku úrvalsdeildinni fari hækkandi. Tekjur félaganna fara einnig hækkandi en þó ekki jafnhratt og launakostnaður. Það er áhyggjuefni fyrir félögin en launakostnaður étur upp 68 prósent af tekjum félaganna.

Enski boltinn

Keppnisbann Kolo Toure - ekki við lækninn að sakast

Enska knattspyrnusambandið hefur hreinsað Jamie Butler, lækni hjá Manchester City, af ásökunum Kolo Toure. Toure, sem dæmdur var í keppnisbann vegna lyfjanotkunar í mars síðastliðnum sagðist hafa borið töflurnar undir Butler og fengið grænt ljós.

Enski boltinn

Ashley Young búinn að semja við Manchester United

Enski landsliðsmaður Ashley Young hefur samið um persónuleg kjör við Englandsmeistara Manchester United. Sky fréttastofan greinir frá því að Young hafi gengist undir bráðabirgða læknisskoðun og skrifi undir þegar hann kemur heim úr sumarfríi sínu.

Enski boltinn

Liverpool gerir tilboð í Gaël Clichy

Enska úrvaldeildarliðið Liverpool hefur gert 5 milljóna punda tilboð í franska landsliðsmanninn Gaël Clichy hjá Arsenal. Clichy á aðeins 12 mánuði eftir af samningi sínum. Hann hefur neitað að skrifa undir nýjan samning við Lundúnarliðið.

Enski boltinn

Bryan Robson segir upp hjá Tælandi

Bryan Robson hefur sagt starfi sínu lausu sem landsliðsþjálfari Tælands. Robson sem tók við liðinu árið 2009 er að ná sér eftir uppskurð en landsliðsfyrirliðinn fyrrverandi hafði greinst með krabbamein í hálsi.

Enski boltinn

Elmohamady keyptur til Sunderland

Sunderland hafa gengið frá kaupum á egypska landsliðsmanninum Ahmed Elmohamady frá ENPPI í Egyptalandi. Leikmaðurinn var á mála hjá svörtu köttunum í vetur og stóð sig vel að mati Steve Bruce knattspyrnustjóra félagsins.

Enski boltinn

Martinez má ræða við Aston Villa

David Whelan stjórnarformaður Wigan hefur gefið Aston Villa grænt ljós á að ræða við knattspyrnustjórann spænska Roberto Martinez. Hingað til hafa Englendingurinn Steve McClaren og Spánverjinn Rafa Benitez þótt líklegastir í starfið. Ef marka má breska fjölmiðla eru þeir úr myndinni.

Enski boltinn

Ferguson kaupir táning á 16 milljónir punda

Alex Ferguson hefur opnað veskið í fyrsta sinn síðan félagsskiptaglugginn opnaði á nýjan leik. Um er að ræða miðvörðinn Phil Jones sem verið hefur á mála hjá Blackburn Rovers. Kaupverðið er talið um 16 milljónir punda. Fréttasíðan Guardian greinir frá þessu í dag.

Enski boltinn

Henderson heldur til Liverpool

Liverpool og Sunderland hafa komist að samkomulagi um kaupverð á enska miðvallarleikmanninum Jordan Henderson. Henderson heldur í bítlaborgina í dag til þess að semja um persónuleg kjör og gangast undir læknisskoðun.

Enski boltinn

Markakóngur til Swansea

Welska knattspyrnuliðið Swansea sem nýverið tryggði sér sæti í ensku úrvalsdeildinni hefur fest kaup á Danny Graham frá Watford. Kaupverðið er 3.5 milljónir punda. Graham varð markakóngur Championship-deildarinnar á síðasta ári og hafði verið orðaður við brotthvarf frá Watford.

Enski boltinn

Crouch: Mun ekki leggja landsliðsskóna á hilluna

Enski landsliðsmaðurinn Peter Crouch gefur lítið fyrir sögusagnir þess efnis að hann ætli að hætta að gefa kost á sér í landsliðið. Crouch segist hafa orðið pirraður að hafa ekki verið í hópnum gegn Sviss um helgina. Hann elski þó að spila fyrir þjóð sína og muni halda því áfram.

Enski boltinn

Henderson og Doni orðaðir við Liverpool

Enski landsliðsmaðurinn Jordan Henderson er sterklega orðaður við Liverpool. Liverpool eru sagðir hafa gert tvö tilboð, síðast upp á 16 milljón pund en báðum tilboðum var hafnað af Sunderland. Talið er að Sunderland vilji 20 milljón pund fyrir leikmanninn.

Enski boltinn

Heiðar og Brynjar Björn framlengja samninga sína

Heiðar Helguson skrifaði í morgun undir eins árs samning við QPR. Liðið mun leika í ensku úrvalsdeildinni á næsta ári eftir að hafa sigrað Championship-deildina með nokkrum yfirburðum. Heiðar þótti spila mjög vel á tímabilinu og legið í loftinu að samningur hans yrði framlengdur.

Enski boltinn

Hiddink vill fá Sneijder til Chelsea

Guus Hiddink hefur enn ekki verið ráðinn sem knattspyrnustjóri Chelsea en flest bendir til þess að hann taki við liðinu. Enskir fjölmiðlar greina frá því í dag að Hiddink hafi nú þegar óskað eftir því að forráðamenn Chelsea reyni að fá hollenska landsliðsmanninn Wesley Sneijder frá Inter á Ítalíu. Er talið að Chelsea sé tilbúið að greiða um 30 milljónir punda fyrir Sneijder – eða um 5,6 milljarða kr.

Enski boltinn

Ashley Young líklega á leiðinni til Man Utd

Ashley Young leikmaður Aston Villa mun að öllum líkindum ganga í raðir enska meistaraliðsins Manchester United í sumar. Samkvæmt frétt DailyMail er Sir Alex Ferguson knattspyrnustjóri Man Utd tilbúinn að borga 20 milljónir punda fyrir enska landsliðsmanninn eða sem nemur um 3,7 milljarða kr.

Enski boltinn

Martin Jol tekur við Fulham

Enska úrvalsdeildarliðið Fulham sem Eiður Smári Guðjohnsen lék með á síðustu leiktíð hefur ráðið Hollendinginn Martin Jol sem knattspyrnustjóra og tekur hann við af Mark Hughes. Jol gerir tveggja ára samning við Fulham en hann þekkir ensku úrvalsdeildina vel eftir að hafa verið knattspyrnustjóri hjá Tottenham. Jol, sem er 55 ára gamall, gerir tveggja ára samning við félagið.

Enski boltinn

O'Hara til Wolves fyrir 5 milljónir punda

Enski miðvallarleikmaðurinn Jamie O'Hara hefur gengið til liðs við enska úrvalsdeildarliðið Wolves frá Tottenham. O'Hara skrifaði undir fjögurra ára samning við Wolves en hann var á láni hjá liðinu í vetur. Kaupverðið er fimm miljónir punda.

Enski boltinn

Bayern vill kaupa Boateng

Svo gæti farið að Jerome Boateng snúi aftur í þýska boltann eftir skamma viðveru í enska boltanum hjá Man. City. Forráðamenn FC Bayern eru bjartsýnir á að geta keypt leikmanninn þó svo City sé ekkert allt of æst í að selja.

Enski boltinn

Emerton hugar að heimför

Ástralinn Brett Emerton hefur ákveðið að enda feril sinn í heimalandinu. Hann á eitt ár eftir af samningi sínum við Blackburn Rovers. Hinn 32 ára gamli Emerton er sterklega orðaður við FC Sydney.

Enski boltinn

Young vill spila með þeim bestu

Það er afar fátt sem bendir til þess að vængmaðurinn Ashley Young verði áfram í herbúðum Aston Villa á næstu leiktíð. Young sjálfur segist vilja spila með þeim bestu.

Enski boltinn

Hiddink nálgast Chelsea

Knattspyrnusamband Tyrklands staðfesti í morgun að Hollendingurinn Guus Hiddink væri væntanlega á förum frá þeim til þess að taka við Chelsea.

Enski boltinn

Mest lesið