Fréttir

Fréttamynd

Árás á lögreglustöð í Tikrit

Að minnsta kosti tveir lögreglumenn létust og 12 slösuðust þegar sjálfsmorðsárásarmaður sprengdi lítinn olíuflutningabíl sem hann ók í loft upp við höfuðstöðvar íröksku lögreglunnar í Tikrit í dag. Lögregla segir manninn hafa ekið hratt í átt að hliði stöðvarinnar og því hafi hún hafið skothríð á bílinn sem hafi sprungið áður en hann kom að höfuðstöðvunum.

Erlent
Fréttamynd

Málið í kerfinu

Enn er allt óljóst með sakhæfi konu þeirrar er lögregla telur hafa staðið fyrir sprengjuhótuninni í Leifsstöð fyrr í vikunni.

Innlent
Fréttamynd

Mikil gleði eftir björgun kafbáts

Mikil gleði ríkir í Rússlandi eftir að sjö kafbátsmönnum var bjargað heilum á húfi eftir þrjá sólarhringa á hafsbotni. Loftbirgðir kafbátsins fóru hratt þverrandi og áhöfnin gat ekki gert annað en beðið og vonað það besta.

Erlent
Fréttamynd

Gámar fuku í sjóinn

Björgunarsveitarmenn á höfuðborgarsvæðinu og Suðurnesjum sinntu tugum hjálparbeiðna í gær. Margt lauslegt tókst á loft en skemmdir voru ekki miklar. Vindur mældist 43 metrar á sekúndu í sterkustu hviðunum. </font /></b />

Innlent
Fréttamynd

Skógareldar í Bandaríkjunum

Rýma hefur þurft 150 heimili í norðvesturhluta Bandaríkjanna vegna skógarelda sem þar geysa. Eldurinn kviknaði á föstudaginn en ekki hefur enn skýrst hvað olli. Ekki er vitað um neinar eldingar undanfarna daga en mjög heitt og þurrt hefur verið lengi á þessum slóðum.

Erlent
Fréttamynd

Reyndu að smygla hassi til Noregs

Lögreglan í Hjörring í Danmörku handtók í gær þrjá Norðmenn sem hugðust smygla tíu kílóum af hassi frá Danmörku til Noregs. Á fréttavef <em>Politiken</em> segir að lögregla hafi fengið ábendingu um fyrirætlan mannanna og því hafi hún látið til skarar skríða. Að öðru leyti verst lögreglan frétta af málinu.

Innlent
Fréttamynd

Tjaldvagn fauk á bíla í roki

Það blæs hressilega í höfuðborginni, meira en 20 metra í sterkustu hviðunum. Tjaldvagn fauk á tvo kyrrstæða bíla, plötur losnuðu af Korpuskóla, bárujárnsplötur tókust á loft og ryðguð þakrenna sópaðist af húsi í Hafnarfirði. Bílstjórar verða að gæta sín á ýmsu sem fýkur út á götu, frauðplastkössum, plasttunnum, hríslum úr görðum og þvílíku.

Innlent
Fréttamynd

Netanyahu segir af sér

Benjamin Netanyahu, fjármálaráðherra Ísraels og fyrrverandi forsætisráðherra, hefur sagt af sér sem ráðherra í ríkisstjórn Ariels Sharon. Hann segir ástæðuna vera að hann geti ekki samvisku sinnar vegna verið hluti af ríkisstjórn sem standi fyrir brottflutningi gyðinga af Gaza-svæðinu.

Erlent
Fréttamynd

Uppgreftri í Eyjum lokið í ár

Uppgreftri húsa í Vestmannaeyjum undir vinnuheitinu Pompei norðursins er lokið í ár. Fram undan er frágangur á uppgraftarsvæðinu fyrir veturinn í því skyni að varðveita það sem birst hefur og koma í veg fyrir vikurfok í vetur. Nánar um þetta í fréttum Stöðvar 2 í kvöld.

Innlent
Fréttamynd

Garang borinn til grafar

Tugþúsundir Súdana vottuðu John Garang, fyrrverandi varaforseta Súdans, virðingu sína þegar hann var borinn til grafar í borginni Juba í suðurhluta landsins í dag. Garang lést í þyrluslysi fyrir viku, aðeins þremur vikum eftir að hann tók við embætti varaforseta.

Erlent
Fréttamynd

Fullyrðingar séu óviðeigandi

Það er undarlegt að ríkisskattstjóri skuli láta uppi persónulega skoðun sína á skattkerfinu, segir framkvæmdastjóri Samtaka banka og verðbréfafyrirtækja. Hann segir fullyrðingarnar óviðeigandi.

Viðskipti innlent
Fréttamynd

Flugvél nauðlendir við Sikiley

Ítölsk öryggismálayfirvöld greindu frá því fyrir stundu að flugvél á vegum Tunisair með 35 farþega innanborðs hefði nauðlent í sjónum undan ströndum Sikileyjar. Vélin var á leið frá Bari á Ítalíu til Djerba í Túnis en um er að ræða 50 sæta vél. Fregir af slysinu eru enn litlar en Reuters-fréttastofan hefur eftir öryggismálayfirvöldum að tveir farþegar hafi sést á vængjum vélarinnar eftir að hún lenti. Björgunarlið er á leið á vettvang.

Erlent
Fréttamynd

Refsiaðgerðir vofa yfir Íran

Refsiaðgerðir Sameinuðu þjóðanna vofa nú yfir Íran eftir að stjórnvöld þar höfnuðu boði Evrópusambandsins um bætur fyrir að hætta að auðga úran sem hægt er að nota í kjarnorkusprengjur.

Erlent
Fréttamynd

Mál mótmælenda skoðuð eftir helgi

Útlendingastofnun fjallar að líkindum ekki um málefni þeirra útlendinga sem með mótmælaaðgerðum stöðvuðu framkvæmdir við Kárahnjúkavirkjun fyrr en eftir helgi. Að sögn Hildar Dungal, forstjóra Útlendingastofnunar, hafði greinargerð ekki borist frá lögreglu í lok dags í gær en telja má að lögregluyfirvöld munu fara fram á að fólkinu verði vísað úr landi. Sýslumaðurinn á Eskifirði hefur málið til rannsóknar en ekki náðist í Inger L. Jónsdóttur sýslumann fyrir fréttir.

Innlent
Fréttamynd

Semja ekki við ESB

Íranir höfnuðu í gær sáttaboði Evrópusambandsins. Mahmoud Ahmadinejad forseti Íran sagði felast í sáttatilögunni að Íran hefði ekki rétt til þess að auðga úran.

Erlent
Fréttamynd

Björgunaraðgerðum haldið áfram

Rússneska flotanum mistókst í nótt að draga dvergkafbátinn sem sökk á Kyrrahafi á grynnri sjó. Kafbáturinn er á 190 metra dýpi og það er of djúpt til þess að sjö manna áhöfnin geti yfirgefið hann og synt upp á yfirborðið. Rússar segja að þeir haldi björgunarstarfi áfram af fullum krafti en svo virðist sem þeir bindi vonir sínar við aðstoð frá Bandaríkjamönnum og Bretum.

Erlent
Fréttamynd

Robin Cook alvarlega veikur

Robin Cook, fyrrverandi utanríkisráðherra Bretlands, liggur alvarlega veikur á sjúkrahúsi eftir að hann hneig niður í fjallgöngu. Cook var að ganga á fjallið Ben Stack í Norðvestur-Skotlandi þegar hann veiktist og var hann fluttur með þyrlu á sjúkrahús í Inverness. Þar fóru fram lífgunaraðgerðir í 40 mínútur samkvæmt fréttavef <em>BBC</em>.

Erlent
Fréttamynd

Bretar og Bandaríkjamenn hjálpa

Breskir og bandarískir sjóliðar komu til Kamtjaska-skaga í gærmorgun með ýmsan búnað til að aðstoða við björgun rússnesks kafbáts sem strandaði á 190 metra dýpi út af skaganum á fimmtudaginn. Strandið bar til þegar netadræsa festist í skrúfu bátsins.

Erlent
Fréttamynd

Grunaður um ölvun

Karlmaður um tvítugt velti bíl sínum í Aðaldalshrauni á Norðausturvegi skammt sunnan Húsavíkur um klukkan sex í gærmorgun.

Innlent
Fréttamynd

Robin Cook látinn

Robin Cook, fyrrverandi utanríkisráðherra Bretlands, hné niður þegar hann var að ganga á fjallið Ben Stack í hálöndum Skotlands. Hann var sóttur með sjúkraþyrlu og flogið á spítala í Inverness þar sem hann lést í gær.

Erlent
Fréttamynd

Íranar muni ekki gefa eftir

Íranar munu ekki láta undan þrýstingi Vesturlanda og þeir verða ekki kúgaðir til neinna aðgerða. Þetta sagði Mahmoud Ahmadinejad, nýkjörinn forseti Írans, í ávarpi í kjölfar þess að hann sór embættiseið á íranska þinginu í dag. Íranar deila sem kunnugt er við Evrópusambandið og Bandaríkin um kjarnorkuáætlun sína, en Bandaríkjamenn saka Írana um að nota hana sem yfirvarp fyrir kjarnorkuvopnaframleiðslu.

Erlent
Fréttamynd

Ölvun í aðdraganda Fiskidagsins

Talsverð ölvun var á Dalvík í nótt og þurfti lögreglan á Akureyri að hafa sig alla við að stöðva slagsmál og önnur leiðindi eins og hún orðaði það sjálf. Þrír gistu fangageymslur á Dalvík eftir nóttina en Fiskidagurinn mikli, sem er í dag, byrjaði í raun í gærkvöld.

Innlent
Fréttamynd

RKÍ sendi fé og fulltrúa til Níger

Hungursneyð vofir átta milljónum manns í Níger og nálægum löndum og hefur Rauði kross Íslands ákveðið að leggja fram þrjár milljónir króna til hjálparstarfs Alþjóða Rauða krossins á svæðinu. Fjölmörg börn þar þjást nú af næringarskorti og hefur Alþjóða Rauði krossinn hafið matvæladreifingu til barna undir fimm ára aldri, sem talin eru í mestri hættu.

Innlent
Fréttamynd

Vill auka réttindi samkynhneigðra

Árni Magnússon félagsmálaráðherra styður heilshugar helsta baráttumál homma og lesbía um að öðlast fullan rétt á við gagnkynhneigða til fjölskylduþáttttöku. Þetta kom fram í ræðu sem Árni hélt á "Hinsegin dögum", sem haldnir voru í miðborg Reykjavíkur í gær.

Innlent
Fréttamynd

Árásarinnar á Hiroshima minnst

Gærdagurinn var tilfinningaþrunginn í borginni Hiroshima í Japan. Um 55 þúsund manns minntust þess að sextíu ár er liðin frá því að kjarnorkusprengjunni var varpað á borgina. Borgarstjórinn í Hiroshima var ómyrkur í máli.

Erlent
Fréttamynd

Komu kafbáti ekki á grynningar

Rússneska flotanum mistókst í nótt að draga dvergkafbátinn sem sökk á Kyrrahafi á grynnri sjó. Kafbáturinn er á 190 metra dýpi og það er of djúpt til þess að sjö manna áhöfn geti yfirgefið hann og synt upp á yfirborðið. Bæði breski og bandaríski flotinn hafa sent sérstaka björgunarkafbáta til aðstoðar Rússum og er vonast til að þeir geti náð til dvergkafbátsins áður en loftbirgðir áhafnarinnar þrjóta.

Erlent
Fréttamynd

Samkynhneigðir öðlist sama rétt

Félagsmálaráðherra sagði í ávarpi á Hinsegin dögum í dag að hann myndi beita sér fyrir því að samkynhneigðir öðluðust fullan rétt á við gagnkynhneigða á sviði hjúskapar og ættleiðinga. Hann segist þó ekki vita hvaða álit aðrir ráðherrar hafi á málinu.

Innlent
Fréttamynd

Tuttugufaldur íbúafjöldi á Dalvík

Fiskur, fjör og bongóblíða. Íbúafjöldinn á Dalvík er talinn hafa að minnsta kosti tuttugufaldast í dag þegar fleiri en þrjátíu þúsund manns sóttu Fiskidaginn mikla.

Innlent
Fréttamynd

Robin Cook látinn

Robin Cook, fyrrverandi utanríkisráðherra Bretlands lést í dag. Cook, sem var 59 ára gamall, var í fjallgöngu með nokkrum félögum sínum þegar hann skyndilega hné niður og lést skömmu síðar á sjúkrahúsi. Cook var utanríkisráðherra frá 1997 og 2001 og var mikið í sviðsljósinu eftir það vegna harðrar andstöðu sinnar við ríkisstjórn Tonys Blairs út af Íraksstríðinu.

Erlent

Mest lesið