Fleiri fréttir

Samherji kaupir tvö erlend útgerðarfélög

Útgerðarfélagið Samherji hefur fest kaup á tveimur erlendum útgerðargélögum. Samherji á nú Pesquera Ancora á Spáni og helmingshlut í Compagnie des Peches Saint Malo í Frakklandi í gegnum dótturfélag sitt UK Fisheries.

Rúmlega 80% sætanýting hjá Iceland Express

Iceland Express ætlar að auka sætaframboð félagsins um rúm 20 prósent á þessu ári miðað við í fyrra enda fjölgaði farþegum félagsins á flesta áfangastaði, sem Iceland Express flýgur til. Til dæmis voru farþegar Iceland Express tæplega áttatíu þúsund í júlí síðastliðnum, sem er 35 prósenta fjölgun frá sama tíma árið áður. Þá jókst markaðshlutdeild Iceland Express á flugleiðinni milli Keflavíkur og London um 38,24 % í júlí. Hlutur félagsins á þessari flugleið hefur aldrei verið stærri í átta ára sögu þess. Þetta kemur fram í tilkynningu frá Iceland Express.

Væntingar um verðbólgu ekki minni síðan 2007

Í desember síðastliðnum vænti almenningur þess að verðbólgan verði 4% eftir 12 mánuði samkvæmt könnun sem Capacent Gallup gerir fyrir Seðlabanka Íslands og niðurstöður voru birtar um í hagvísum bankans fyrir sama mánuð. Samkvæmt þessari könnun hafa væntingar almennings um verðbólgu ekki verið minni síðan í ágúst árið 2007.

Spáir 0,5 prósentustiga vaxtalækkun í febrúar

Greining Íslandsbanka reiknar með því að Peningastefnunefnd Seðlabankans ákveði að lækka vexti bankans um 0,5 prósentur á næsta vaxtaákvörðunarfundi sínum sem er 2. febrúar næstkomandi.

Procar kaupir 100 bíla frá B&L og Ingvari Helgasyni

Bílaleigan Procar, sem leigir að jafnaði um 200 bíla, hefur fest kaup á eitt hundrað bílum frá bílaumboðinu B&L og Ingvari Helgasyni. Var samningur þess efnis undirritaður í gær, miðvikudag.

Heildaraflinn dróst saman um 8% á liðnu ári

Heildarafli íslenskra skipa í nýliðnum desembermánuði, metinn á föstu verði, var 8,2% minni en í desember 2009. Árið 2010 dróst aflinn saman um 8,0% miðað við árið 2009, sé hann metinn á föstu verði.

GAMMA: Kostnaður við Icesave 26 til 233 milljarðar

Fjármálafyrirtækið GAMMA hefur sent til Alþingis umsögn um nýja Icesave samninginn þar sem mat er lagt á kostnaðinn af honum miðað við ólíkar forsendur. Samkvæmt GAMMA getur kostnaðurinn orðið minnst 26 milljarðar kr. en mest 233 milljarðar kr.

Sveitarfélög verðlögðu lóðir of hátt

Sveitarfélög á höfuðborgarsvæðinu tóku þátt í góðærinu af fullum krafti í aðdraganda efnahagshrunsins. Lóðaverðið miðaðist við fjölda íbúða sem átti að vera í fasteignum á lóðinni og eru dæmi um að fjölbýlishúsalóð hafi verið seld með þessum hætti í nýju hverfi á um 400 milljónir króna.

Kröfur í makríldeilu frá annarri plánetu

Lisbeth Berg-Hansen, sjávarútvegsráðherra Noregs, segir kröfur Íslendinga í deilum um makrílveiðar vera „frá annarri plánetu“. Berg-Hansen lét þessi ummæli falla í norskum fjölmiðlum í tilefni af gagnrýni þarlendra samtaka Evrópuandstæðinga, Nei til EU. Samtökin segja hana ekki hafa gagnrýnt fiskveiðistefnu Evrópusambandsins (ESB) nægjanlega, en hafi hins vegar sýnt Íslendingum og Færeyingum of mikla hörku.

Varasjóðurinn stærri en heildartekjur

Skuldir sveitarfélagsins Voga námu 373 prósentum af tekjum sveitarfélagsins í árslok 2009. Eftirlitsnefnd með fjármálum sveitarfélaga segir mikilvægt að Vogar vinni markvisst að því að lækka skuldirnar á næstu árum.

Forstjórinn bjartsýnn

Stofnendur bílaumboðsins Öskju hafa í kjölfar fjárhagslegrar endurskipulagningar keypt 35 prósenta hlut Landsbankans í fyrirtækinu. Kaupverð er trúnaðarmál. Auk Landsbankans var samið við Íslandsbanka, Lýsingu og SP Fjármögnun.

Þarf að afskrifa 800 milljónir króna

Nýi SpKef hefur ákveðið að bjóða upp á breytingar á skilmálum lána sem voru tekin til kaupa á stofnfjárbréfum Sparisjóðsins í Keflavík í desember árið 2007.

Meiri fiskur fer á fiskmarkaði

Hlutfall þorsks, ýsu, steinbíts og ufsa sem selt er á fiskmörkuðum hefur vaxið á síðustu þremur fiskveiðiárum. Frá þessu er greint á vef Landsambands íslenskra smábátaeigenda.

Sterk rök fyrir því að ljúka Icesave málinu

Seðlabankinn telur sterk rök vera fyrir því að ljúka Icesave-deilunni með samningum við bresk og hollensk stjórnvöld. Bankinn segir nýja Icesave-samninginn töluvert hagstæðari en fyrri samningsdrög. Þetta er meðal þess sem fram kemur í umsögn Seðlabankans um Icesave til fjárlaganefndar Alþingis.

SA krefjast prósentustigs lækkunnar á tryggingagjaldi

Samtök atvinnulífsins (SA) krefjast þess að atvinnutryggingagjald verði lækkað um eitt prósentustig. Gjaldið sé of hátt miðað við áætlað atvinnuleysi í ár og því beri fjármálaráðherra að flytja frumvarp á Alþingi um lækkun þess. Það hafi hann ekki gert.

Mikil sala raftækja fyrir jólin

Sala á raftækjum í desember jókst um 18,5% á föstu verðlagi frá sama mánuði í fyrra og um 6,1% á breytilegu verðlagi á sama tímabili. Verð á raftækjum lækkaði um 10,5% frá desember 2009.

Gríðarleg sókn í leiguhúsnæði

Samtals voru gerðir 10.407 samningar um leiguhúsnæði á nýliðnu ári 2010 samkvæmt morgunkorni Íslandsbanka. Þetta eru litlu færri samningar en árið 2009 þegar samningarnir voru samtals 10.522 sem sýnir að enn er mikil sókn í leiguhúsnæði.

Skuldatryggingaálagið rýkur upp að nýju

Skuldatryggingaálag á íslenska ríkið hefur rokið upp að nýju og mælist nú 308 punktar. Þetta er veruleg hækkun á skömmum tíma því í síðustu viku fór álagið niður í 259 punkta.

Nýir lögmenn til liðs við Juris

Juris lögmannsstofa, lögmannsstofan Jónsson & Harðarson ehf. og Páll Ásgrímsson hdl. hafa ákveðið að sameina krafta sína undir merkjum Juris. Eftir þetta verða eigendur Juris þeir Andri Árnason, Halldór Jónsson, Lárus L. Blöndal, Páll Ásgrímsson, Sigurbjörn Magnússon, Stefán A. Svensson og Vífill Harðarson. Juris mun á næstu vikum flytja í nýtt og glæsilegt húsnæði að Borgartúni 26 í Reykjavík.

AGS: Lausn Icesave veitir aðgang að mörkuðum

Murilo Portugal aðstoðarforstjóri Alþjóðagjaldeyrissjóðsins (AGS) fagnar nýju samkomulagi Íslendinga við Breta og Hollendinga í Icesavedeilunni. Hann segir að skjót lausn á þessari deilu sé mikilvægur áfangi í endurkomu Íslands á alþjóðlega fjármálamarkaði.

Fá hundrað milljónir í arð

Vogunarsjóðurinn Boreas Capital hagnaðist um rúmar 26 milljónir króna árið 2009. Þetta er talsverður samdráttur á milli ára en árið 2008 nam hagnaðurinn 102,3 milljónum. Eigendur fengu nær allan hagnaðinn í arð í fyrra, 96 milljónir króna.

Sterk rök fyrir því að semja um Icesave

Sterk rök eru fyrir því að leysa deiluna um Icesave þrátt fyrir að töluverð óvissa sé um efnahagslegar forsendur til svo langs tíma sem nýr samningur Íslands við Breta og Hollendinga nær.

Íbúðalánasjóður átti 1.070 íbúðir um áramótin

Íbúðalánasjóður keypti 723 íbúðir á nýliðnu ári og átti 1.070 íbúðir um áramótin. Þetta er þrjátíu íbúðum minna en áætlanir sjóðsins gerðu ráð fyrir. Þetta er rétt rúmlega þrefalt fleiri íbúðir en sjóðurinn átti í lok árs 2009 en þá átti hann 347 íbúðir.

Járnblendið óbeint til stjórnvalda í Kína

Kínverska fyrirtækið China National Bluestar hefur keypt norska fyrirtækið Elkem AS, móðurfélag Elkem Ísland ehf., sem rekur Járnblendiverksmiðjuna á Grundartanga.

Stjórn OR rifti samningi við Álftanes

Stjórn Orkuveitu Reykjavíkur ákvað á fundi sínum í gær að rifta samningi fyrirtækisins og Sveitarfélagsins Álftaness frá árinu 2007 um kaup, uppbyggingu og rekstur fráveitu Álftaness. Orkuveitan segir að ástæðan sé verulegar vanefndir sveitarfélagsins á greiðslum til OR samkvæmt samningnum. Krafa OR á hendur sveitarfélaginu nemur tæpum 90 milljónum króna.

Nýr regluvörður hjá SpKef Sparisjóði

Þann 6. Janúar síðastliðinn urðu starfsmannabreytingar hjá SpKef sparisjóði þegar Arna Björg Rúnarsdóttir hóf störf sem regluvörður sjóðsins. Á sama tíma lét Árnína Steinunn Kristjánsdóttir af störfum sem regluvörður hjá SpKef og mun hún snúa sér að lögfræðistörfum í Sviss.

Gengi krónunnar lækkar töluvert

Gengi krónunnar hefur lækkað töluvert í dag eða um 0,8%. Gengisvísitalan stendur í 210,5 stigum þegar þetta er skrifað og hefur ekki verið hærri síðan um mitt sumar í fyrra.

Loðnuvinnsla hafin á Vopnafirði, bræla á miðunum

Loðnuvinnsla er hafin að nýju á Vopnafirði eftir að Lundey NS kom þangað með um 680 tonn af loðnu á miðnætti í nótt. Magnús Róbertsson vinnslustjóri hjá HB Granda segir að loðnan nú sé heldur smærri en sú sem barst til vinnslu fyrir áramótin en það muni ekki miklu. Góður hluti aflans henti til frystingar en það sem flokkist frá fari til bræðslu.

Skyggnir fær staðfesta alþjóðlega öryggisvottun

British Standards Institution (BSI) hefur staðfest vottun Skyggnis um upplýsinga-, öryggis- og stjórnkerfi til næstu þriggja ára samkvæmt alþjóðlegum staðli. Skyggnir hlaut fyrst staðfesta vottun á þessu sviði árið 2004.

PIMCO gleymdi að lýsa kröfum í Glitni

Aðalmeðferð fer fram í máli PIMCO gegn Glitni í Héraðsdómi Reykjavíkur í dag. PIMCO hefur lýst kröfu upp á tæplega 250 milljónir króna í þrotabú Glitnis. Fyrirtækið stýrir stærsta skuldabréfasjóði heims en forstjóri fyrirtækisins, Mohamed El-Erian, er gríðarlega virtur á sínu sviði.

Segir skilanefnd Glitnis ofsækja Hannes

„Þessi lögsókn er ekki byggð á neinu samsæri og upphaf ræðu Gísla [Guðna Hall hrl.] er óskiljanlegt," svaraði lögmaður Glitnis, Sigurbjörn Ársæll Þorbergsson, eftir að verjandi Hannesar Smárasonar, og félaga honum tengdum, hafði sakað skilanefnd Glitnis um óeðlilega aðför að skjólstæðingi sínu og allt að því ofsóknarkennda. Hóf hann ræðu sína á því að rifja upp málsókn skilanefndar Glitnis gegn Hannesi, Jóni Ásgeiri Jóhannessyn og fleirum í New York, þar sem málinu var vísað frá.

Eldsneytisverð: Allir búnir að hækka

Olíufélögin Skeljungur og N-Einn hækkuðu bensínlítrann um þrjár krónur og 50 aura í gær. Olís, Atlantsolía og dótturfélög Skeljungs og Olís fylgdu í kjölfarið í morgun.

Sjá næstu 50 fréttir

Mest lesið