Jöklabréfum snarfækkar

Heildarvirði jöklabréfa mun nema áttatíu milljörðum króna í vikulokin. Bréf upp á tæpa 170 milljarða króna hefur fallið á gjalddaga frá áramótum. Þetta kemur fram í Hagsjá Landsbankans í gær. Þar segir að vegna takmarkana á fjármagnsflutninga sé ljóst að stærstur hluti þeirra höfuðstólsgreiðslna sem fallið hafi frá í haust hafi ekki verið fluttur úr landi. Þá hafi Seðlabankinn ekki heimilað að skipta vaxtagreiðslum, sem gefin eru út af erlendum aðilum í krónum, yfir í erlendan gjaldeyri. Féð hafi því leitað í aðra innlenda ávöxtun.

Minni velta með hækkandi sól

Hratt hefur dregið úr veltu á hlutabréfamarkaði hér eftir því sem sól hefur hækkað á lofti. Á mánudag slagaði hún rétt yfir 320 þúsund króna markið í sex viðskiptum en fáir muna eftir svo lélegum heimtum.

Jöklabréfastærðin komin niður í 80 milljarða

Útistandandi jöklabréf eru nú komin niður í 80 milljarða kr. Þegar mest lét námu þau um 450 milljörðum kr. árið 2007. Við bankahrunið s.l. haust voru þau komin í um 300 milljarða kr. Síðan hefur þeim verið breytt í ríkisbréf, einkum eftir tilkomu gjaldeyrishaftanna.

Sérstakur saksóknari: Kaupþingsmál nýtur ekki forgangs

Ólafur Þór Hauksson, sérstakur saksóknari bankahrunsins, segir í samtali við Vísi að mál vegna lána sem fyrrum stjórn gamla Kaupþings veitti lykilstarfsmönnum bankans sé í ákveðnum farvegi eins og fjöldamörg mál um þessar mundir. Það mál njóti hins vegar ekki sérstaks forgangs fram yfir önnur mál.

Daufur dagur í kauphöllinni

Viðskipti í kauphöllinni voru með daufara móti í dag. Viðskiptin námu tæpum 5 milljónum kr. en aðeins var hreyfing á þremur félögum.

Rússar segja að ekkert liggi á láni til Íslendinga

Dmitry Pankin aðstoðarfjármálaráðherra Rússlands segir að ekkert liggi á því að afgreiða lán Rússa til Íslendinga þar sem þeir hafi ekki sérstaka þörf fyrir lánið í augnablikinu. Þetta kemur fram í viðtali PRIME-TASS fréttastofunnar við Pankin en Reuters greinir frá því.

Líkur á að lánshæfismat ríkissjóðs falli niður í rusl-flokk

Líkur eru á að lánshæfismat ríkissjóðs verði lækkað niður í einkunnina C sem þýðir rusl eða „junk“ á alþjóðlegum lánsfjármarkaði. Slíkt myndi ekki létta róðurinn hjá íslenskum stjórnvöldum í baráttu þeirra við núverandi efnahagsvanda.

Greiðslustöðvun Straums framlengd

Héraðsdómur Reykjavíkur hefur framlengt greiðslustöðvun Straums en hún rann út í lok síðustu viku.

Spáir 11,4% ársverðbólgu í júní

Greining Íslandsbanka telur að vísitala neysluverðs (VNV) muni hækka um 0,7% í júní. Gangi spáin eftir mun 12 mánaða verðbólga mælast 11,4%, en í maí mældist verðbólgan 11,6%. Hagstofa Íslands birtir vísitölu neysluverðs í júní þann 24. júní næstkomandi.

Stjórnarformaður Nýja Kaupþings: „Reiði almennings skiljanleg“

Hulda Dóra Styrmisdóttir, stjórnarformaður Nýja Kaupþings, segir eins og fram kom í fréttatilkynningu frá bankanum að engin lán lykilstjórnenda gamla Kaupþings hafi verið afskrifuð og beðið verði eftir niðurstöðu sérstaks saksóknara um málið. Endanleg niðurstaða um afskriftir lána til starfsmannanna liggur því ekki fyrir.

Nauðasamningar Stoða staðfestir

Nauðasamningar Stoða hf. hafa verið staðfestir af Héraðsdómi Reykjavíkur að því er segir í tilkynningu.

Kröfuhafar Kaupþings vilja forðast verðmat FME

Kröfuhafar Kaupþings vilja forðast að byggja eingöngu á þeirri aðferðafræði sem lögð er til í ákvörðun Fjármálaeftirlitsins (FME) við verðmat á eignum sem fluttar eru yfir í Nýja Kaupþing, enda sé slíkt háð ýmsum forsendum sem deila megi um.

Kaupþing afskrifar ekki lán starfsmanna

Stjórn Nýja Kaupþings banka ætlar ekki að afskrifa lán til starfsmanna vegna hlutabréfakaupa á meðan kæra hluthafa vegna lánanna er til meðferðar hjá sérstökum saksóknara.

Aflaverðmæti íslenskra skipa jókst um 13,7%

Aflaverðmæti íslenskra skipa nam tæpum 26 milljörðum króna fyrstu þrjá mánuði ársins 2009. Til samanburðar nam aflaverðmæti íslenskra skipa 22,8 milljörðum á sama tíma í fyrra. Aflaverðmæti hefur því aukist um 3,1 milljarð eða 13,7% milli ára.

Eignir tryggingarfélaganna lækkuðu milli mánaða

Heildareignir tryggingarfélaganna námu 138,6 miljarða kr. í lok apríl og lækkuðu um 2,8 milljarða kr. milli mánaða.

FME frestar uppgjöri milli bankanna í þriðja sinn

Fjármálaeftirlitið (FME) hefur enn og aftur frestað endanlegu uppgjöri milli nýju og gömlubankanna, að þessu sinni til 17. júlí. Er þetta í þriðja sinn sem uppgjörinu er frestað.

Envent undirritar 6 milljarða orkusamning á Filippseyjum

Íslenska jarðhitafélagið Envent sem starfar í Filippseyjum undirritaði á dögunum fyrsta orkusölusamning félagsins við þarlenda orkuveitu. Samningurinn hljóðar uppá 6 milljarða króna.

Þrjú dótturfélög Landic Property í gjaldþrotaskipti

Stjórnir þriggja danskra dótturfélaga Landic Property hf., Keops Development A/S, Landic Property A/S og Landic Investment A/S, hafa í dag lagt fram beiðni um gjaldþrotaskipti hjá dómstólum í Kaupmannahöfn.

Lítill árangur af síldarleit á Jan Mayen svæðinu

Nokkur íslensk skip hafa að undanförnu leitað að síld í veiðanlegu magni á Jan Mayen svæðinu en árangurinn af leitinni hefur verið lítill. Meðal skipanna sem fóru norður undir Jan Mayen var Lundey NS. Afla skipsins, um 80 tonnum, var landað á Vopnafirði síðastliðinn laugardag þar sem hann fór til vinnslu.

Makaskipti áfram áberandi á íbúðamarkaðinum

Lítil velta og aukin tíðni makaskiptasamninga einkenna nú íbúðamarkaðinn sem hefur tekið miklum breytingum á undanförnum mánuðum. Alls voru gerðir 265 kaupsamningar um íbúðahúsnæði í maí mánuði síðastliðnum og var rúmlega þriðjungur þeirra viðskipta afgreiddur með makaskiptasamningum samkvæmt upplýsingum frá Fasteignaskrá Íslands.

Sparnaður opnar útibú á Akureyri

Sparnaður ehf, ráðgjafafyrirtæki í eigu Ingólfs H. Ingólfssonar, hefur opnað útibú á Akureyri í þeim tilgangi að auka þjónustustig fyrirtækisins á norðurlandi.

Mistök Sigurðar á tveimur veðskuldabréfum

Svo virðist sem Sigurður G. Guðjónsson hafi gert sömu mistökin tvisvar við gerð veðskuldabréfa fyrir skjólstæðing sinn, Sigurjón Þ. Árnason.

Hlutabréf Marel Food Systems hreyfast ein á markaði

Gengi hlutabréfa í Marel Food Systems hefur lækkað um 0,19 prósent frá því viðskipti hófust á hlutabréfamarkaði í Kauphöllinni í dag. Þetta er eina hreyfingin á hlutabréfamarkaði.

Verðmæti heildaraflans minnkaði um 10% í maí

Heildarafli íslenskra skipa í nýliðnum maímánuði, metinn á föstu verði, var 10,3% minni en í maí 2008. Það sem af er árinu hefur aflinn hins vegar aukist um 4,0% miðað við sama tímabil 2008, sé hann metinn á föstu verði.

Sjóðsstjóra vikið frá vegna viðskipta Sigurjóns

Landsbankinn hefur vikið sjóðstjóra hjá bankanum úr starfi tímabundið vegna viðskipta Sigurjóns Þ. Árnasonar, fyrrverandi bankastjóra, sem fréttastofa greindi frá í gær. Málinu hefur verið vísað til Fjármálaeftirlitsins.

Starfsmenn Kaupþings lausir undan persónulegum ábyrgðum

Lagaheimildir skortir til að snúa við ákvörðun fyrrverandi stjórnar Kaupþings um að fella niður persónulegar ábyrgðir starfsmanna bankans fyrir lánum sem þeir fengu til hlutabréfakaupa.

Ólíklegt að stýrivextir verði lækkaðir í samræmi við kröfur vinnumarkaðarins

Ólíklegt verður að teljast að Seðlabankinn geti lækkað stýrivexti umtalsvert við næstu vaxtaákvörðun í samræmi við kröfur aðila vinnumarkaðarins. Hröð stýrivaxtalækkun er grunnforsenda stöðugleikasáttmálans.

Heildarvelta kreditkorta minnkaði um 15% í maí

Heildarvelta kreditkorta í maímánuði var 22,3 milljörðum kr. samanborið við 26,2 milljarða kr. á sama tíma í fyrra og er þetta 15% samdráttur milli ára.

Sigurjón lánaði sjálfum sér 40 milljónir

40 milljón króna lán Sigurjóns Árnasonar til Sigurjóns Árnasonar hefur fengið marga til að klóra sér í kollinum. Veðskuldabréf Sigurjóns hefur farið sem eldur í sinu um netið í dag.

Spáir því að verðbólgan aukist í þessum mánuði

Gangi spá hagfræðideildar Landsbankans eftir verður 12 mánaða verðbólga 12% í júní og eykst milli mánaða eftir að hafa minnkað fjóra mánuði í röð þar á undan. Verðbólgan í síðasta mánuði mældist 11,6%.

Fimm félög til viðbótar áminnt og sektuð

Kauphöllin hefur áminnt og sektað fimm félög til viðbótar fyrir að hafa ekki birt ársreikninga sína fyrir árið 2008 innan réttra tímatakmarkana. Hafa því alls 10 félög fengið slíkar áminningar og sektir það sem af er árinu.

Farið verður yfir tekjur af eignum sem átti ekki að færa

Fjármálaeftirlitið birtir á mánudag ákvörðun sína um hversu langan frest stjórnvöld, skilanefndir og kröfuhafar gömlu bankanna fá til þess að ljúka uppgjöri vegna tilfærslu eigna milli nýju og gömlu bankanna.

Hagur fyrrum Baugsbúða vænkast

Rekstrarhagnaður bresku matvörukeðjunnar Iceland nam 112 milljónum punda, jafnvirði 23 milljarða króna, á síðasta ári. Breska leikfangaverslunin Hamleys tapaði hins vegar 2,7 milljónum punda, jafnvirði 570 milljóna króna, á sama tíma.

Varði krónuna falli

Gengi krónunnar styrktist um 1,07 prósent á millibankamarkaði í gær og endaði gengisvísitalan í 231,7 stigum. Vísitalan var í gær á svipuðum slóðum og á mánudag eftir snarpan kúf um miðja vikuna.

Hálfur milljarður í tap í fyrra: Nordic Partners tapar á hótelum

Eignarhaldsfélagið NP Hotels tapaði 22 milljónum danskra króna, jafnvirði hálfs milljarðs króna, á síðasta ári. Eiginfjárstaða félagsins er neikvæð um þrjá milljónir danskra króna og hefur verið gefið út að lánardrottnar muni breyta hluta lána í hlutafé.

Höftin duga ekki ein og sér

Gengislækkun krónunnar undanfarið má að hluta rekja til vaxtalækkana Seðlabankans, en stór áhrifavaldur er skortur á skýrum áætlunum nýrrar ríkistjórnar, meðal annars í fjármálum hins opinbera. Þetta kemur fram í nýju fréttabréfi Viðskiptaráðs Íslands.

Unnið að slitum tveggja sjóða Landsbankans

Hagsjá Landsbankans greinir frá því í dag að unnið sé að slitum tveggja sjóða, Fyrirtækjabréfa og Vísitölubréfa Landsbankans. Samkvæmt tilmælum frá Fjármálaeftirlitinu ber rekstrarfélögum verðbréfa- og fjárfestingarsjóða að slíta sjóðum sem líkt hafa eftir OMXI 15 vísitölunni.

Krónan styrktist um 1,07% í dag

Gengisvísitala krónunnar endaði í 231,5 stigum og styrktist gengi krónunnar um 1,07% í dag.

Gengi bréfa Eimskips féll um 30 prósent

Gengi hlutabréfa Eimskipafélagsins féll um 30 prósent í dag í afar litlum viðskiptum. Þá féll gengi bréfa Bakkavara um 5,56 prósent og Atlantic Petroleum um 2,91 prósent. Þá lækkaði gengi bréfa Marel Food Systems um 1,85 prósent, færeyska flugfélagsins Atlantic Airways um 1,8 prósent og stoðtækjafyrirtækisins Össurar um 0,89 prósent.

Ríkissjóður þarf að reiða út 37 milljarða

Niðurstaða útboða vikunnar er sú að ríkissjóður þarf samtals að reiða fram 37 milljarða kr. í reiðufé til fjárfesta í dag og á mánudag. Eru þar erlendir aðilar fyrirferðarmestir.

Gengi bréfa Atlantic Petroleum fellur í byrjun dags

Gengi hlutabréfa í færeyska olíuleitarfélaginu Atlantic Petroleum hefur fallið um 2,91 prósent frá því hlutabréfamarkaður opnaði fyrir tæpum stundarfjórðungi.

Sumarhugur virðist vera kominn í bílainnflytjendur

Sumarhugur virðist vera kominn í bílainnflytjendur, en samkvæmt tölum frá Umferðarstofu voru nýskráðar 177 bifreiðar í fyrstu vikunni í júní, samanborið við að nýskráðar voru 220 bifreiðar nettó í öllum maímánuði, en þá hefur verið tekið tillit til nýrra bifreiða sem bæði voru nýskráðar og afskráðar í mánuðinum.

Launakostnaður lækkar í verslun en hækkar í mannvirkjagerð

Heildarlaunakostnaður á greidda stund dróst saman um 1,5% í atvinnugreininni verslun og ýmissi viðgerðarþjónustu og um 4,8% í iðnaði og samgöngum og flutningum á milli 1. ársfjórðungs 2009 og 4. ársfjórðungs 2008.

Greiðslubyrði lána viðráðanleg fyrir flest heimili

Skuldsetning íslenskra heimila er mikil í alþjóðlegum samanburði þegar hún er mæld í hlutfalli við ráðstöfunartekjur en greiðslubyrði lána virðist engu að síður vera viðráðanleg fyrir flesta en um 77% heimila þarf að verja innan við 40% ráðstöfunartekna í greiðslubyrði íbúða-, bíla- og yfirdráttarlána.

Geta samið um lægri greiðslur

Byr hefur ákveðið að gera fyrirtækjum sem hafa tekið lán í erlendri mynt í gegnum sparisjóðinn kleift að leita eftir lækkun á greiðslubyrði að undangengnum skilyrðum.