Bjarki Diego vann skattamál í Hæstarétti

Hæstiréttur Íslands sneri við dómi Héraðsdóms Reykjavíkur í máli Bjarka Diego gegn íslenska ríkinu. Héraðsdómur hafði áður staðfest úrskurð skattayfirvalda sem kröfðust þess að samningar sem Bjarki gerði meðan hann var starfsmaður Kaupþings yrðu skattlagðir sem launatekjur en ekki sem fjármagnstekjur. Líta bæri á undirliggjandi ráðstafanir sem sölurétturinn tryggði sem kaupréttartekjur.

Bónus oftast með lægsta verðið

Bónus var oftast með lægsta verðið þegar verðlagseftirlit ASÍ kannaði verð í þremur lágvöruverðverslunum og fjórum þjónustuverslunum víðsvegar á landinu á mánudaginn. Kostur Dalvegi neitaði að taka þátt í könnuninni. Hæsta verðið var oftast að finna í Nóatúni Austurveri í um þriðjungi tilvika. Í þriðjungi tilvika var munurinn á hæsta og lægsta verði 25-50%.

Tískuhúsið Prada vill skrá sig á markað

Ítalska tískuhúsið Prada vill skrá sig á markað í Hong Kong í júlí næstkomandi. Þetta hefur Bloomberg fréttaveitan eftir heimildarmönnum.

Jeratún ehf. tapaði 4,9 milljónum í fyrra

Tap Jeratúns ehf. í fyrra var 4,9 milljónir kr. og í lok ársins var eigið fé neikvætt um sem nam 41,4 milljónir kr. samkvæmt ársreikningi. Ástæða fyrir þessu tapi má rekja til mikils fjármagnskostnaðar og of lágrar húsaleigu. Stjórnin mun leggja það til við hluthafafund félagsins að hlutafé verði aukið um 21 milljón kr.

Mikil verðhækkun á olíu í dag

Mikil verðhækkun hefur orðið á heimsmarkaðsverði á olíu í dag. Tunnan af Brent olíu hefur hækkað um 2 dollara frá því í morgun og er komin í 117,25 dollara. Þetta er 1,8% hækkun innan dagsins.

Dómar á morgun gætu auðveldað Icesave málið

Dómsuppsaga fer fram á morgun í alls níu málum þar sem tekist er á um hvort heildsöluinnlán séu forgangskröfur í bú fallinna íslenskra banka. Fari svo að heildsöluinnlánin verði ekki dæmd forgangkröfur mun bú Landsbankans geta staðið undir allri Icesave skuldinni.

Telur líkur á hóflegri vaxtalækkun fyrir páskana

Greining Íslandsbanka telur að nokkrar líkur séu á hóflegri vaxtalækkun hjá Seðlabankanum í aðdraganda páskanna. Vísibendingu um slíkt sé að finna í síðustu fundargerð Peningastefnunefndar sem birt var í gær.

Orkuveitan gat fengið milljarðalán hjá Landsbankanum

Orkuveitan átti aðgang að átta milljarða lánalínu hjá Landsbanka Íslands á sama tíma og forstjóri fyrirtækisins sagði fyrirtækið gjaldþrota. Lán frá Landsbankanum hefði verið á verri kjörum en milljarðalán borgarinnar til fyrirtækisins, segir upplýsingafulltrúi Orkuveitunnar.

ASÍ: Lánshæfið hefur skaðast vegna Icesave

Lánshæfi Íslands hefur skaðast vegna dráttar á lausn Icesave deilunnar. Þannig lækkaði lánshæfismat ríkissjóðs í kjölfar þess að forsetinn synjaði Icesave lögunum staðfestingar í ársbyrjun 2010. Alþjóðleg matsfyrirtæki telja að leið Íslands út úr efnahagsvandanum sé torveldari á meðan Icesave deilan er óleyst. Þessi afstaða hefur komið fram í lánshæfismati þeirra á Íslandi.

Fokið í skattaskjól á Seychelleseyjum

Norrænu ríkin, þ.e. Ísland, Danmörk, Finnland, Noregur og Svíþjóð auk Færeyja og Grænlands undirrituðu í vkunni samkomulag við yfirvöld á Seychelleseyjum um skipti á skattaupplýsingum. Samkomulagið er enn einn áfanginn í viðamiklu starfi á vegum Norrænu ráðherranefndarinnar til að sporna gegn skattaflótta til annarra landa.

Hæsta hótel í heimi opnar í Hong Kong

Hinn 118 hæða hái turn í Hong Kong, International Commerce Center, hefur tilkynnt að búið sé að opna hótel á 16 efstu hæðum turnsins. Um er að ræða Ritz-Carlton hótelið og er það þar með orðið að hæsta hóteli heimsins.

Sjávarleður hf. eykur framleiðsluna um 85%

Sjávarleður hf. á Sauðárkróki hefur aukið framleiðslu sína um 85 prósent það sem af er ári, ef miðað er við sama tíma í fyrra.

Einar Hannesson verður útibússtjóri í Reykjanesbæ

Einar Hannesson, fyrrverandi sparisjóðsstjóri Spkef hefur verið ráðinn útibússtjóri Landsbankans í Reykjanesbæ. Umsækjendur um stöðuna voru 15, þar af 5 starfsmenn Landsbankans og 10 utan bankans. Þrjár konur sóttu um starfið en 12 karlar, eftir því sem fram kemur í fréttatilkynningu frá Landsbankanum.

Jóni Ásgeiri og félögum stefnt fljótlega

Allar líkur eru á því að mál Glitnis gegn Jóni Ásgeiri Jóhannessyni og sex viðskiptafélögum hans verði höfðað á Íslandi. Málið sem var upphaflega höfðað í New York en vísað frá dómi þar verði brotið niður í fleiri smærri mál. „Það eru allar líkur á að þetta verði gert á Íslandi og að þetta verði fleiri en eitt mál," segir Steinunn H. Guðbjartsdóttir, formaður slitastjórnar Glitnis, í samtali við Vísi.

Skortur á íslenskum fiski á Grimsby markaðinum

Fiskkaupendur í Bretlandi hafa nú vaxandi áhyggjur af skorti á íslenskum fiski á fiskmarkaðinum í Grimsby. Um er að ræða stærsta fiskmarkað Bretlandseyja en um 75% af fiskinum þar hefur komið frá Íslandi.

Laun hækkuðu um 4,7%

Laun á íslenskum vinnumarkaði hækkuðu um 4,7% milli áranna 2009 og 2010 samkvæmt ársmeðaltali vísitölu launa, sem Hagstofan greinir frá. Þá hækkuðu laun á almennum vinnumarkaði um 6,0% að meðaltali en laun opinberra starfsmanna um 1,9%.

Gjaldþrotum fjölgaði um 55% milli ára í febrúar

Í febrúar 2011 voru 130 fyrirtæki tekin til gjaldþrotaskipta samanborið við 84 fyrirtæki í febrúar 2010, sem jafngildir tæplega 55% fjölgun milli ára.

Viðskipti með hluti í írskum bönkum stöðvuð

Búið er að taka ákvörðun um að stöðva viðskipti með hluti í bönkunum Bank of Ireland og Allied Irsh Bank á markaðinum í Dublin í dag. Þetta kemur fram í tilkynningu frá seðlabanka landsins. Eftir lokun markaðarins í dag verða birtar niðurstöður álagsprófa á írsku bankana.

Viðræðum um kaupin á All Saints slitið

Viðræðum um kaupin á bresku tískukeðjunni All Saints hefur verið slitið. Skilanefndir Kaupþings og Glitnis hafa átt í þessum viðræðum við fjárfestingarfélagið M1 Group og Rchard Sharp fyrrum starfsmann Goldman Sachs.

Spánverjar vilja framseljanlegan kvóta

Samtök spænskra útgerðarmanna (CEPESCA) telja að framtíðarfyrirkomulag fiskveiðistjórnunar innan Evrópusambandsins muni byggjast á framseljanlegum aflaheimildum í samræmi við reglur innri markaðar sambandsins.

Arion banki býður BM Vallá til sölu

Ákveðið hefur verið að bjóða til sölu allt hlutafé í BM Vallá, en fyrirtækið er í eigu Eignabjargs, dótturfélags Arion banka. Upphaf söluferlis á B.M. Vallá ehf. verður tilkynnt formlega í dag.

Apple stefnir ríkinu til að fá tollum létt af iPod Touch

Apple-umboðið hefur ákveðið að stefna íslenska ríkinu vegna tollflokkunar á lófatölvunni iPod Touch. Tollstjóri flokkar tölvuna sem tónlistarspilara en ríkistollanefnd hefur viðurkennt að um lófatölvu sé að ræða þó að nefndin hnekki ekki ákvörðun tollstjóra um tollflokkun.

Bensínverð lækki um 28 krónur

Lítraverð á eldsneyti, bæði bensíni og dísilolíu, gæti lækkað um 28 krónur, fái frumvarp fram að ganga sem Tryggvi Þór Herbertsson, þingmaður Sjálfstæðisflokks, mælti fyrir í gær.

Vilja skýrari skilmála smálána

Strangar reglur verða um starfsemi smálánafyrirtækja hér á landi ef frumvarp verður að veruleika sem Árni Páll Árnason, efnahags- og viðskiptaráðherra, kynnti fyrir ríkisstjórn á þriðjudag.

Vísar gjaldþroti OR á nýjan meirihluta

Guðlaugur Sverrisson, fyrrverandi stjórnarformaður Orkuveitu Reykjavíkur, segir stöðu Orkuveitunnar hafa verið komna í ásættanlegt horf þegar hann lét af störfum í júní á síðasta ári. Hann spyr hvað breyttist.

Hafa keypt Ölvisholt Brugghús

Gengið hefur verið frá kaupum á rekstri og eignum Ölvisholt Brugghúss af þrotabúi. Félagið sem kaupir reksturinn heitir Eignarhaldsfélagið Flóinn ehf. Að því standa Karl K. Karlsson, Eignarhaldsfélag Suðurlands, Jón E. Gunnlaugsson, Bjarni Einarsson og nokkrir minni fjárfestar.

Útlit fyrir að sjötíu milljarðar tapist vegna gjaldþrots Samsonar

Aðeins sex til tíu prósent fást upp í áttatíu milljarða króna kröfur í þrotabú Samsonar, eignarhaldsfélags Björgólfsfeðga, segir skiptastjóri þrotabúsins. Það jafngildir því að rúmlega sjötíu milljarðar króna tapist vegna gjaldþrotsins.

Lífeyrissjóðir tilbúnir í viðræður við OR um virkjanakaup

Landsamband lífeyrissjóða er tilbúið í viðræður við Orkuveitu Reykjavíkur (OR) um kaup á Hverahlíðarvirkjun. Þetta var rætt á fundi stjórnar landssambandsins í morgun en þar var einnig til umræðu staðan í viðræðum lífeyrissjóðanna við Magma Energy um kaup á 25% hlut í HS Orku.

Einn greiddi atkvæði gegn tillögu seðlabankastjóra

Einn nefndarmaður í Peningastefnunefnd Seðlabankans kaus gegn tillögu Seðlabankastjóra um að halda stýrivöxtum óbreyttum síðast þegar ákvörðun um stýrivexti var tekin. Hinir fjórir greiddu tillögunni atkvæði sitt, eftir því sem kemur fram í fundargerð nefndarinnar.

Selja hugbúnað til 50 landa í gegnum netið

Íslenski tímaskráningarhugbúnaðurinn TEMPO frá TM Software er nú seldur til um 50 landa, en sala á búnaðinum hefur margfaldast yfir netið fyrstu mánuði ársins miðað við sama tíma í fyrra. Meðal nýrra viðskiptavina má nefna Kodak og Intel í Bandaríkjunum.

Framtakssjóður skilaði 700 milljóna hagnaði í fyrra

Framtakssjóður Íslands skilaði 700 milljónum króna í hagnað á árinu 2010. Heildareignir sjóðsins í árslok námu um 5,6 milljörðum króna.

Glacier skapar verðmæti með íslenskri sérþekkingu

Starfsleyfið sem Glacier Securities, dótturfyrirtæki Íslandsbanka í Bandaríkjunum, fékk í vikunni hefur það í för með sér að það má starfrækja fjármálafyrirtæki í Bandaríkjunum á takmörkuðu sviði. Glacier mun einkum starfa sem ráðgjafi við kaup og sölu á fyrirtækjum á sviði jarðvarma og sjávarútvegs í Bandaríkjunum.

Landinn dregur úr stórkaupum og utanlandsferðum

Íslenskir neytendur eru síður til þess líklegir að ráðast í stórkaup nú en þeir hafa verið síðasta árið. Þetta má sjá úr niðurstöðum úr ársfjórðungslegum mælingum Capacent Gallup á fyrirhuguðum stórkaupum neytenda sem birtar voru í gær samfara Væntingavísitölu Gallup.

OR þarf að kaupa gjaldeyri fyrir 10 milljarða í ár

Orkuveita Reykjavíkur (OR) verður með mikil umsvif í gjaldeyriskaupum á markaðinum hérlendis á næstu árum. Bara í ár má búast við að OR þurfi að kaupa gjaldeyri fyrir 10 milljarða kr.

Allir írsku bankarnir gætu endað í ríkiseigu

Írsk stjórnvöld gætu neyðst til þess að taka yfir ráðandi hlut í Bank of Ireland og Irsh Life & Permanent í kjölfar birtingar á álagsprófunum á írsku bönkunum eftir lokun markaða á morgun. Þar með væru írsk stjórnvöld komin með ráðandi hlut í öllum innlendum bönkum Írlands.

Vífilfell greiði 260 milljónir í stjórnvaldssekt - misnotaði stöðu sína

Drykkjarvöruframleiðandinn Vífilfell þarf að borga 260 milljónir króna í stjórnvaldssekt eftir að Samkeppniseftirlitið komst að þeirri niðustöðu að fyrirtækið hefði misnotað markaðsráðandi stöðu sína á gosdrykkjamarkaði. Brotið felst í því að Vífilfell gerði fjölmarga einkakaupsamninga við viðskiptavini sína og skuldbatt þá til þess að kaupa gosdrykki einungis frá Vífilfelli.

Kjarnorkuslys veldur þangkreppu í sushigerð

Kjarnorkuslysið í Fukushima í Japan er farið að hafa áhrif á sushigerð víða um heiminn. Innflytjendur eru farnir að segja nei takk við soja, þangi, wasabi og grænmeti frá Japan. Í staðinn getur almenningur og matvælafyrirtæki utan Japan vænst þess að fá lélegri eftirlíkingar frá Kína til sushigerðar.

Nýr útibústjóri Landsbankans byrjaði sem sendill

Þorsteinn Þorsteinsson útibússtjóri í Árbæjarútibúi hefur verið ráðinn útibússtjóri Landsbankans í útibúinu í Austurstræti 11. Þorsteinn hóf störf fyrir Landsbankann sem sendill fyrir áratugum síðan.

Innovit hagkerfið áætlar að velta 1,1 milljarði í ár

Alls starfa 168 einstaklingar innan Innovit-hagkerfisins í 117 stöðugildum. Velta Innovit hagkerfisins var 535 milljónir króna árið 2010. Áætluð velta Innovit hagkerfisins er yfir 1,1 milljarður króna árið 2011.

Framleiðsluvísitala hækkaði um 2,7%

Vísitala framleiðsluverðs í febrúar 2011 var 207,5 stig og hækkaði um 2,7% frá janúar 2011, samkvæmt tölum frá Hagstofunni. Vísitala framleiðsluverðs fyrir sjávarafurðir var 238,5 stig, sem er hækkun um 2,4% frá fyrri mánuði og vísitala fyrir stóriðju var 255,8 stig, hækkaði um 3,4%. Vísitalan fyrir matvæli hækkaði um 1,0% og vísitala fyrir annan iðnað hækkaði um 2,9%.

Regluleg meðallaun tæp 350 þúsund á mánuði

Regluleg laun á almennum vinnumarkaði voru 348 þúsund krónur að meðaltali árið 2010. Algengast var að regluleg laun væru á bilinu 175–225 þúsund krónur og var rúmlega fimmtungur launamanna með laun á því bili.

Dótturfélag Íslandsbanka fær starfsleyfi í Bandaríkjunum

Glacier Securities, dótturfélag Íslandsbanka í Bandaríkjunum hefur fengið starfsleyfi þar í landi. Þetta kom fram í máli Birnu Einarsdóttur bankastjóra Íslandsbanka á aðalfundi bankans sem haldinn var í gærdag.

Spáir því að verðbólgan fari yfir markmið Seðlabankans

Greining Arion banka telur að á næstu mánuðum sé líklegt að ársverðbólgan fari a.m.k. tímabundið yfir verðbólgumarkmið Seðlabankans. Verðbólgan nái hámarki í júní þegar hún verði 3,6%. Það eru hækkanir á hrávörum erlendis, eins og eldsneyti, sem keyri verðbólguna upp.

Iceland Express stofnar þjónustufyrirtæki

Iceland Express hefur stofnað þjónustufyrirtæki til að annast flugafgreiðslu á Keflavíkurflugvelli. Fyrirtækið heitir Iceland Express Handling og mun auglýsa eftir starfsfólki á næstu vikum.

Skattar hækkuðu verðtryggð lán heimila um 18 milljarða

Skattahækkanir stjórnvalda frá febrúar árið 2009 til febrúar í fyrra höfðu þau áhrif að hækka verðtryggð lán heimila um rúma 18 milljarða kr.