Breytingar hjá Ernst & Young

Henrik Barner Christiansen, sem áður var endurskoðandi hjá Hróarskeldubanka í Danmörku (Roskilde Bank) hefur misst titil sinn sem meðeigandi hjá endur­skoðunarfyrirtækinu Ernst & Young.

Er vefsíðan mín góð eða slæm?

Ein af skemmtilegri vefsíðum netheima er www.webpagesthatsuck.com, þar sem farið er yfir vefsíður sem eru afar illa hannaðar og þær metnar. Þar segir meðal annars um fyrstu mánuði þessa árs, að „þetta virðist ætla að verða gott ár fyrir slæma vefsíðuhönnun".

Breytt skattlagning gæti kallað á skerðingu

Engu breytir fyrir launþega hvort greiðslur í lífeyrissjóð eru skattlagðar við innlögn eða útgreiðslu. Leiðin, sem er tillaga þingflokks Sjálfstæðisflokks að leið til að auka tekjur ríkisins, hefur hins vegar bæði í för með sér kosti og galla, líkt og fram kemur í úttekt Benedikts Jóhannessonar tryggingastærðfræðings í efnahags­ritinu Vísbendingu, sem hann bæði ritstýrir og gefur út.

Fljótlega fjár­fest úr Bjarkar­sjóði

„Við höfum fengið 75 viðskiptaáætlanir frá frumkvöðlum inn á borð til okkar, hitt um helming þeirra og rætt við fjárfesta,“ segir Baldur Már Helgason, sjóðsstjóri frumkvöðla- og sprotasjóðsins Bjarkar hjá Auði Capital.

Jómfrúrflugi seinkar

Bandaríski flugvélaframleiðandinn Boeing frestaði enn á ný afhendingu og jómfrúrflugi, Dreamliner 787 , nýjustu þotunnar sem flaggað hefur verið um nokkurra ára skeið sem helsta trompi fyrirtækisins.

Kaupmáttur á enn eftir að rýrna

Kaupmáttur launa dróst saman um eitt prósent milli apríl og maí, samkvæmt nýbirtum tölum Hagstofu Íslands.

Þrjú félög falla um stærðarflokk

Eftir verðfall hlutabréfa síðustu misseri og hrun bankakerfisins falla engin félaga Kauphallarinnar í flokk stórra fyrirtækja. Einungis þrjú ná því að teljast meðalstór og restin eru lítil félög.

Seðlabankinn lækkar dráttarvexti

Seðlabankinn lækkar dráttarvexti sem gilda fyrir næsta mánuð að því er segir í tilkynningu á heimasíðu bankans.

Gengi bréfa Atlantic Petroleum féll um níu prósent í dag

Gengi hlutabréfa í færeyska olíuleitarfélaginu féll um 09,28 prósent á annars rauðum degi í Kauphöllinni í dag. Á hæla þess fylgdi gengi bréfa Bakkavarar, sem fór niður um 7,75 prósent. Þá lækkaði gengi bréfa Marel Food Systems um 1,69 prósent og Össurar um 0,45 prósent.

Seðlabankastjóri: Draga þarf úr óvissu um ríkisskuldir

Svein Harald Öygard seðlabankastjóri segir að almennt séð virðist stjórn bankans að aðilar á alþjóðavettvangi líti þannig á að mikilvægt sé að draga úr óvissu í sambandi við umfang og kjör ríkisskulda. Á hann þar m.a. við Icesave málið.

Byr og HR í samstarf um fjármálalæsi

Byr sparisjóður og Stofnun um fjármálalæsi við Háskólann í Reykjavík hafa gert með sér samstarfssamning sem miðar að því að efla fjármálalæsi Íslendinga. Byr verður aðalstyrktaraðili stofnunarinnar en á hennar vegum verða stundaðar rannsóknir og efnt til námskeiða sem miða að bættu fjármálalæsi þjóðarinnar.

Fitch segir lánshæfiseinkunn háða niðurstöðu í Icesave

Paul Rawkins, framkvæmdastjóri hjá matsfyirtækinu Fitch Rating í London segir að ný lánshæfiseinkunn fyrir ríkissjóð Íslands sé m.a. háð því að niðurstaða fáist í Icesavemálinu og að endurreisn bankanna komi til framkvæmda.

Endurskoðunarákvæði Icesave hagstæð Íslendingum

Jakob Möller hrl. segir að ákvæði um endurskoðun samningsins, verði endurgreiðsla íslenska ríkinu um megn, séu mjög hagfelld lántakanum:. Um þetta segir Jakob: ,,Fullyrða má, að ákvæði þessi séu lántaka mjög í hag, og eru ella a.m.k. nánast óþekkt í lánasamningum, og ákvæðin að auki hagfelldari en gengur og gerist í viðskiptasamningum.”

Óttast mengun á erfðavísum villtra þorska

Náttúruverndarsinnar óttast að aukning þorskeldis muni leiða til frekari flótta þorsks úr þorskeldum sem leiði til mengunar á erfðavísum villtra þorska. Náttúruverndarsinnar hafa komið þessum áhyggjum sínum á framfæri vegna mikillar aukningar þorskeldis í Evrópu.

Moody´s: Bandaríkin halda lánshæfiseinkunn AAA

Matsfyrirtækið Moody´s segir í nýju áliti að Bandaríkin muni halda AAA lánshæfiseinkunn sinni en bætir við að sú einkunn kunni að vera í hættu ef bandarískum stjórnvöldum tekst ekki að draga úr opinberum skuldum sínum.

Vefsíðan iceslave opnuð

Í ljósi þeirrar umræðu sem hefur verið í samfélaginu vegna samnings íslenskra stjórnvalda og tryggingarsjóðs innistæðueigendanna hefur verið sett á stofn vefsíðan www.iceslave.is þar sem Íslendingar geta séð heildarstöðu Icesave skuldar þjóðarinnar.

Síminn gerir samning um þriðja sæstrenginn

Síminn hefur nú gert samning við Greenland Connect um sæstreng til Kanada. Síminn er eina íslenska fjarskiptafyrirtækið sem er með samninga um þrjá sæstrengi til og frá Íslandi og eykur þetta öryggi og bætir þjónustu enda er um fimmfalda aukningu á bandbreidd til Ameríku að ræða.

Nauðungarsamningur Teymis staðfestur

Héraðsdómur Reykjavíkur hefur í dag staðfest nauðasamning Teymis hf. sem samþykktur var með öllum greiddum atkvæðum hinn 4. júní sl.

Nýja Kaupþing fellir niður uppgreiðslugjöld

Uppgreiðslugjöld á íbúðalánum verða afnumin um óákveðinn tíma hjá Nýja Kaupþingi frá og með fyrsta júlí. Fram að þessu hefur uppgreiðslugjald verið 2% af fjárhæð innborgunar.

Hagnaður NIB nam 16 milljörðum

Hagnaður Norræna fjárfestingarbankans á fyrsta ársfjórðungi ársins nam 91 milljón evra eða um 16 milljörðum kr.

Kaupmáttur launa ekki verið minni síðan 2003

Kaupmáttur launa hefur ekki verið jafn lítill síðan í lok árs 2003. Reikna má með því að kaupmáttur eigi enn eftir að rýrna á komandi mánuðum.

Icelandair nær efstu sætum í neytendaskýrslu

Óhætt er að segja að Icelandair sé sigurvegari nýrrar Neytendaskýrslu AEA, Sambands evrópskra flugfélaga. Í skýrslunni er kynnt frammistaða ervrópskra flugfélaga á síðasta vetri í fjórum mikilvægum þjónustuflokkum fyrir neytendur, þ.e. í fullnustu fluga, í stundvísi á styttri flugleiðum, í stundvísi á lengri flugleiðum og skilvísi farangurs.

Engin viðskipti í kauphöllinni en krónan styrkist

Enn hafa engin viðskipti orðið með hlutabréf í kauphöllinni, nú þegar klukkan tifar inn á tólfta tímann. Hinsvegar nema viðskipti með skuldabréf tæplega 4,5 milljörðum kr.

Lánshæfiseinkunn Íslands á pari við mörg Austur-Evrópulönd

Lánshæfiseinkunnir Íslands sem um árabil voru fyrsta flokks og á pari með lánshæfiseinkunnum nágrannaríkja okkar í V-Evrópu hafa nú aldrei verið lægri. Núna erum við hinsvegar í sama flokki og nýmarkaðsríki A-Evrópu en mörg þeirra ramba nú á brún óviðunandi áhættu eftir að hafa horft upp á lánshæfiseinkunnir sínar hríðfalla samhliða því að fjármálakreppan hefur grafið sig dýpra.

Íslandssjóðir auka gagnsæi og upplýsingagjöf

Íslandssjóðir, rekstrarfélag verðbréfasjóða Íslandsbanka, hefur birt samantekt á verklagi félagsins á nýjum vef sínum, www.islandssjodir.is. Þar koma fram þeir ferlar sem fylgt er við fjárfestingar hjá Íslandssjóðum, upplýsingagjöf, áhættustýringu og siðareglur félagsins. Á vefnum er einnig að finna reglur Íslandssjóða um hagsmunaárekstra.

Hvalaskoðun gefur meira af sér en hvalveiðar

Í nýrri skýrslu sem lögð hefur verið fram á ársfundi Alþjóðahvalveiðiráðsins (IWC) sem nú stendyr yfir segir að hvalaskoðun gefi nú af sér meiri tekjur á heimsvísu en hvalveiðar. Tekjur af hvalaskoðun nemi nú um 2,1 milljarði punda eða rúmlega 440 milljörðum kr. á ári.

Mats Josefsson setti engin skilyrði

Mats Josefsson efnahagsráðgjafi ríkisstjórnarinnar setti engin skilyrði fyrir áframhaldandi vinnu sinni fyrir íslensk stjórnvöld. Þetta kemur fram í svari forsætisráðherra við fyrirspurn Eyglóar Harðardóttur þingmanns Framsóknarflokksins um málið.

Miklar sveiflur á álverðinu síðustu daga

Heimsmarkaðsverð á áli á markaðinum í London hefur sveiflast mikið síðustu daga. Þessa stundina stendur verðið, m.v. þriggja mánaða framvirka samninga, í 1.618 dollurum á tonnið.

Launavísitala hækkaði um 0,2% frá fyrri mánuði

Launavísitala í maí 2009 er 356,0 stig og hækkaði um 0,2% frá fyrri mánuði. Síðastliðna tólf mánuði hefur launavísitalan hækkað um 4,1%.

SI segir verktakastarfsemi landsins að blæða út

Samtök iðnaðarins (SI) segja í nýrri ályktun að verktakastarfsemi landsins sé að blæða úr. Niðurskurður í vegagerð sé reiðarslag. SI skora á ríkisstjórnina að taka ákvörðun sína um 12 milljarða niðurskurð til samgöngumála til endurmats.

Hlutabréfaaukning Debenhams fær dræmar undirtektir

Hlutafjáraukning verslunarkeðjunnar Debenhams hefur fengið dræmar undirtektir hjá núverandi hluthöfum og öðrum fjárfestum. Aðeins hafa selst rúm 30% af því aukna hlutafé sem stendur til boða.

Eftirlaunasjóði atvinnuflugmanna skilað

Fjármálaráðuneytið hefur skilað Eftirlaunasjóði félags íslenskra atvinnuflugmanna (EFÍA) aftur í hendur stjórnar sjóðsins samkvæmt tilkynningu frá Félagi íslenskra atvinnuflugmanna.

Útlánasafn Landsbankans rýrnaði um 19,5% milli verðmata - ekki 24%

Heildarútlánasafn Landsbankans rýrnaði um 19,5% frá því í febrúar þegar síðasta verðmat á eignum bankans fór fram en ekki 24,2% eins og Vísir greindi frá í gær. Beðist er velvirðingar á þessum mistökum.

Kröfuhafar hafa tekið yfir Askar Capital

Kröfuhafar Askar Capital hafa nú tekið yfir félagið. Þetta kemur fram í tilkynningu um aðalfund félagsins sem haldinn var fyrir helgina.

Skilanefnd Landsbankans mat eignir, ekki CIPFA

Samkvæmt skýrslu frá breska endurskoðunarfyrirtækinu Chartered Institute of Public Finance & Accounting, CIPFA, frá því í maí kemur fram að það sé mat Skilanefndar Landsbankans en ekki CIPFA að um 90% eigna Landsbankans endurheimtist.

Gengi bréfa Eimskips hækkaði mest í dag

Gengi hlutabréfa Eimskipafélagsins hækkaði langmest á hlutabréfamarkaði í dag, eða um 42,86 prósent. Ein viðskipti upp á tæpar 32.600 krónur standa á bak við viðskiptin.

Þrjú félög endurflokkuð sem lítil í kauphöllinni

Þrjú félög hafa verið endurflokkuð sem lítil í kauphöllinni en voru áður flokkuð sem meðalstór. Þetta eru Bakkavör, Eimskip og Icelandair Group.

Frystingu aflétt á eignum Kaupþings í Þýskalandi

Þýska fjármálaeftirlitið (BaFin) hefur aflétt frystingu á eignum Kaupþings í Þýskalandi. Þetta kemur fram í tilkynningu sem birt er á heimasíðu BaFin. Þar segir að frystingin sé ekki lengur nauðsynleg.

Landsbankinn: Eignasafnið rýrnar um 95 milljarða

Eignasafn Landsbanks hefur rýrnað um 95 milljarða frá fyrra mati sem gert var í febrúar. Talið er að um 115 milljarðar muni lenda á Íslenska ríkinu vegna Icesave samkomulagsins þegar það verður gert upp.

Segir verðbólguna aukast í endurskoðaðri spá

Greining Íslandsbanka gerir ráð fyrir að vísitala neysluverðs hækki um 0,9% frá fyrri mánuði og að verðbólgan fari upp í 11,7% og hækkar lítillega en nú er hún 11,6%. Hagstofan birtir vísitöluna fyrir júnímánuð á miðvikudaginn kemur.

Fyrsta sjálfvirka heimilisbókhaldið á Íslandi

Landsbankinn hefur opnað aðgang að sjálfvirku Heimilisbókhaldi í Einkabankanum sem veitir viðskiptavinum bankans mjög góða yfirsýn yfir fjármál heimilisins. Þessi sjálfvirka lausn er sú fyrsta sinnar tegundar á Íslandi.

Skuldabréf Frjálsa sett á Athugunarlista

Skuldabréf útgefið af Frjáls Fjárfestingarbankanum hf. hefur verið fært á Athugunarlista kauphallarinnar.

Norðurskautsþjóðir ætla að forðast kalt stríð

Norðurskautsþjóðir lofa því að forðast nýtt kalt stríð í kringum Norðurpólinn. Sem stendur eru hernaðaraðgerðir að aukast á þessu svæði. Ástæðan er hlýnun jarðar sem gerir olíu- og gasleit á svæðinu mögulega og getur auk þess opnað nýjar skipaleiðir að sögn Reuters fréttastofunnar.

Ástandið á fasteignamarkaðinum viðvarandi næstu misserin

Greining Íslandsbanka segir að útlit sé fyrir að ástandið á fasteignamarkaðinum verði viðvarandi næstu misserin þar sem byggingarkostnaður mun hækka, verð íbúðarhúsnæðis lækka og draga mun úr nýfjárfestingum.

Rólegur mánudagsmorgun á hlutabréfamarkaði

Gengi hlutabréfa Eimskipafélagsins hækkaði um 42,86 prósent í fyrstu viðskiptum dagsins á hlutabréfamarkaðinu. Ein viðskipti upp á rúmar 32 þúsund krónur standa á bak við viðskiptin.